Zwientietikken

Zwientietikken of Zwientie-Tik is een oold volksgebroek oet Luttenbarg in Sallaand, tiedens t joarliks eheulden Luttenbargse Feest.

Oetleg

Bie t zwientietikken wörd nen biggn lös eloaten in n soortemeant stormbane met nen waterbak, ne koele of bak vol drek en een gedeelte met zaagsel. Deelnemmers mut met nen bleenddook vuur proberen in dee stormbane t "zwientie te tikken". Wee t as eerste vuur mekaar krig den bign an te raken hef ewunnen en krig ne geeldpries met. As t zwientie eraakt is wörd dr eflöaitt duur nen skeaidsrechter, woernoa't de deelnemmers den bleenddook of magnt doon en noar ne belle mut, zodet iederene nog nen tweeden kaans hef um ook wat te winnen. Doarnöast is der ne zekere eare an verbeunden, want wee't weent mag zikzelf een joar laank Neerlaands Kampioen Zwientietikken neumen.

Kompetisie

Umdet t antal deelnemmers onmeundig is, wordt der duur vuurroondes noar ne finale hen ewaarket. Der keump aait nen machtigen bult kiekvolk op of. Ook wörd der oonderskeaid emaakt tusken kearls- en vroalekompetisie.

Vuur de kleainen

Der is ne ofzeunderlike kompetisie vuur jonge deelnemmers. Dee doot met in t Knientie Tikken, woerbie den bign vervöngen wörd duur n knien.

Bezwoar

Verskeaidene deerbeskaarmingsorganisasies zo as de Dierenbescherming en AnimalPeace probeert al joaren t gebroek te verbeden, umdet zee meant at den bign zik op-ejag veult en nen jachterigen tied metmaakt. De roadsleden van de gemeente Roalte zeet der nog gin kwoad in.

Oetgoande verbeending

• HD: Zwientie Tikken weer hoogtepunt van Luttenbergs Feest (YouTube)