Catharina-Amalia van Nederlaand
Preensesse Amalia (geboren 7 december 2003, Den Haag), voluut Catharina-Amalia Beatrix Carmen Victoria van Oranje-Nassau, Arfpreensesse van Oranje, Preensesse van Nederlaand, Preensesse van Oranje-Nassau, is de ooldste dochter van Preens Willem-Alexander en Preensesse Máxima.
Geboorte
bewarkPreensesse Amalia is geboren op zundag 7 december 2003 om 17.01 ure in et Ziekehuus Bronovo in Den Haag. In de steden Den Haag, Den Helder, Willemstad (Nederlaanse Antillen) en Oranjestad (Aruba) is heur geboorte mit 101 saluutschotten ankondigd. Deensdag 9 december, in et oolde stadhuus van Den Haag, gaf heur heit heur geboorte an bi'j de borgerlike staand, die vertegenwoordigd wodden deur borgemeister Wim Deetman.
Drekt nao angifte en et bekendwodden van de naemen van de kroonpreensesse veraanderde de gemiente Almelo et Balkanplein in de stad naor et Catharina-Amaliaplein. Op Bonaire is et vliegveld Flamingo Airport hernuumd naor Preensesse Amalia Airport.
Naemen
bewarkDe preensesse wodt Amalia nuumd, of bi'j officiële gelegenheden Catharina-Amalia. Zol ze etzelde doan as heur heit, dan wodt heur naeme as keuninginne Keuninginne Catharina.
Preensesse Amalia het as volgt heur naemen kregen:
- Catherina kwam bi'j de Oranjes eerder veur bi'j Henriëtte Catharina;
- Amalia kwam bi'j de Oranjes eerder veur bi'j Amalia van Solms;
- Beatrix nao heur beppe Keuninginne Beatrix;
- Carmen nao heur beppe Maria del Carmen Cerruti de Zorreguieta;
- Victoria is ofleided van vincere (overwinnen) en verwiest naor heur peetmuike, kroonpreensesse Victoria van Zweden.
Titel
bewarkNao heur heit Willem-Alexander is Preensesse Amalia de tweede in de order van troonopvolging. Omdat ze de naokommeling is van de eerste, heur heit, het ze de titel van Arfpreensesse. Wodt Willem-Alexander keuning, dan wodt zi'j Preensesse van Oranje.