Asgard
Asgard (Oldnoords: Ásgarðr) is in de Noord-Europese mythologie de plaatse woar de Asen en Asinnen (de goden) wont, dee los wodt ezene van de weald woar de mensen wont (Midgard), en zich of in de ruumte, of in et centrum van de weald bevund. Allenig de weald-as Yggdrasil deurdrönk alle sferen (wealden) in de Noordse kosmogonie en verbindt zie op disse manere in de deepte van et heelal.
Asgard wöd deur ne unoaverkommeleke mure umgaeven, ebouwd door nen reus, noa den krieg mit de Wanen. Zee ok Svadilfari.
Den enige verbinding tussen Midgard en Asgard is deur de Bifröstbrugge, ne reagenboogbrugge, dee deur Heimdall bewaakt wöd.
Eursprong en nut
bewarkAsgaard wöd in de Noord-Europese mythologie ebouwd deur Wodan en ziene breurs mit de hulpe van enkele Thursen. Dit is noadat de oerweald in den Ginnungagap zich deur de warking van vuur en ies evörmd hef en noadat de meeste oerreuzen bunt ummekommen deur et opofferen van dee oerweald (Ymir).
Et centrum van Asgard is et Idavoll-veld. Doar in dat centrum löt Wodan (of Odin) n paleis Gladsheimr bouwen mit nen troon veur zichzelf Hlidskjalf, vanwoar hi-j op alle 9 wealden kan uutkieken, en nog 12 aandere tronen veur Asen dee hi-j beneumt om samen mit um te heersen. Veur de Asinnen wöd der et paleis Vingolf ebouwd en later veur de helden ok et Valhalla.
Et bunt dee plaetse woar de Goden vergoadering höldt oaver belangrieke dingen. Dageleks komt zi-j ok bi-j mekare bi-j den Bron van Urd onderan den wortel van den wealdboom Yggdrasil om doar den drank van de wiesheid te drinken.
Den steenreus Hrimthur bouwt de mure, met in et veuruutzicht as belonning doarveur Freya as vrouwe, net as de Zunne en de Moan te meugen bezitten. Op listigen road van Loki wöd deur de Asen nen oaverenkumst mit um emaakt dat den helen bouw in krap 6 moanden kloar zol motten wean, iets wat ze voor onmeugelek oetvoerboar anzeet. Hrimthur nemp dee veurweerden an, as e ok zien peerd Svadilfari mag bruken.
Tot groten schrik van de Asen lek Hrimthur et kloar te zullen spöllen et wark binnen den gestelden termien af te hebben, want net dree dage veur den slottermien ontbrek nog enkelt ne poortenboage. Loki verandert zich in ne merrie en verleidt den hengst Svadilfari den mit de merrie n tiedken vortgeet. (De merrie baart doarnoa Wodens hengst Sliepnir). De reus kan zien kontrakt dus neet noakommen en löt zich roazend van hellegheid as reus gelden, woarnoa Thor um mit zienen magiesen hamer kapothauwt.
Asgard is nen reusachtigen vestenburcht, n soort hemelriek, mit as belangriekste bestaanddelen de 12 paleizen van de goden woarvan Grimnismal vertelt. Dee 12 hemelburchten zollen uut gold en edelsteen emaakt wean, de gewelven uut golden speren. Muren en vloeren mit gold bedekt, en op den daeke straalt schilden van helden in plaatse van de zunne en moan. Et hoes van Thor, Thrudheim, wödt neet tot de heamelburchten erekkend, want dee steet te kort bi-j de eerdse weald en göf de grenze an tussen Asgard en Midgard.
De 12 Paleizen en eure bezitters
bewarkDe riege is alfebeties edoane:
- Alfheim, ("Alfenheim") Freyrs Paleis
- Breidablik, ("Breedglaans") Baldrs Paleis
- Folkvang, ("Volksplein") Freyja's Paleis mit Zale Sessrumnir
- Gladsheimr, ("Vreugdeweald") Woden Paleis mit Zale Walhalla
- Glitnir, ("Glitter", Stroalenden) Forseti's Paleis
- Himinbjörg, Heimdalls Paleis
- Nóatún, ("Skeepsploatse") Njörðrs Paleis
- Sökkvabekkr, ("Deeptebeake") Saga's Paleis
- Thrymheim, Skadi's Paleis
- Valaskjálf, Vali's Paleis met Wodens troon Hlidskjalf
- Vidi, Vidars Paleis, ok Landwidi ("Laandwiedte")
- Ydalir, Ullrs Paleis
Volgens F.Aswynn bunt dee in Grimnismal geneumde 12 paleizen van de Asen gelieke mit den 12 tekkens van den dierenreem. Glitnir as verblief van Forseti zol dan bi-jveurbeeld oaverènkommen mit et tekken Weagschoal, umdat dizze godheid veur eavenwicht en gerechtigheid steet (Blätter von Yggdrasil, pag. 164).
Aandere belangrieke mythiese plaetse in Asgard
bewarkBronnen
bewark- Snorri Sturluson, Proza-Edda 2:2, 2:3, 2:9, 2:14, 2:49, 2:53, 3:1, 3:1b, 3:4, 3:17, 3:18, 3:33, 3:34, 3:35.