Ateisme

Ateisme is de afweasigheid van 'n gelöyv in nen höygeren macht of god. Anhangers verwoordet et vake as ne oavertüging dat der ginnen god besteyt. Et steyt teagenoaver teisme, wat der vanuut geyt dat der 'minstens eynen god besteyt'. Teagenstrydig genog kan ateisme ouk as 'gelöyvsoavertüging' eseen worden.

Procent ateisten per europääsk land, volgens Eurobarometer 2019.

Der sint filosofiske, sociologiske en geskydkünnige argumenten vöär ateisme. Vaste beredeneringen teagen et bestån van höygere machten sint under meyr en gebrek an nåkykbår en unumstoatelik bewys, et feit dat der 'slechte' dinge in de wearld geböäret as god allens weat en enkel good is, et probleem dat gelöyve en profeten mekander teagenspreaket, et probleem dat wat koncepten nit nå te metten valt, en et argument dat der lüde sint dee nu eynmål nit gelöyvet.

Ümdat ateisme ginne vastümlynde oavertüging is, sint der ouk ginne vaste leavregels vöär ateisten. In et neadersassisk wördt vake segd dat ateisten 'nargens an doot'. Se gåt neet når ne karke un biddet nargens vöär. Dat wil neet seggen at se gin benül hebbet van wat wal good is un wat neet.

En paar landen up de wearld hebbet nen ståtsgodsdeenst.

Ateisme nömet se vake in eynen ådem med godslaster (kwåd spreaken oaver god of gelöyv). Godslaster is strafbår in heyl wat landen. Ümdat et untkennen van et bestån van nen god (den kern van ateisme) ouk as beleadiging eseen kan worden, is et in vöäle landen strafbår. Et kan botes, gevangenisstraf of selvs den doudstraf upleyveren. In Bahrain, Jordanie, Kuweit un Ghana gå'j achter et gaas as y oapenbår maket dat y ateist sint. In Afghanistan, Iran, Maleisie, Malediven, Mauritanie, Nigeria, Qatar, Saudi-Arabie, Somalie, Sudan, de Vereynigde Arabiske Emiraten en Jemen wordet lüde der doud ümme dån.

Bekende ateisten

Bekende vöärspreakers un skryvers van ateisme sint (of warren) den britsken aktöör en skryver Stephen Fry, juurnalist Christopher Hitchens, bioloog Richard Dawkins en komik en aktöör Ricky Gervais. Dawkins skreav der meyrere böker oaver: The God Delusion (Et waanidee God) en Outgrowing God (God untgroien). Hitchens was nen amerikaansk-britsken juurnalist, den as der by diskussygrupen regelmåtig med estrekked beyn ingüng. Ricky Gervais neamt regelmåtig gelöyvigen up de hakke. Ne bekende uutspråke van em oaver de krangheid van gelöyv is:

"Der sint töt nu to souwat 3000 goden eweasd, mär alleyne den van u besteyt echt. Dee anderen, stük vöär stük dummige versinsels. Mär neet den van u. Den van u is echt."