Edik

Edik (ook edikke of edek) is n levensmiddel dat ontstaait as giste produkten verzoern deur de juuste bakterien. As bieveurbeeld bie de riepen van wien locht in t vat komt, kin de alkohol omzet worden in zoer en ontstaait wienedik. Edik is chemisch zain n oplössen van 4 tot 15% edikzoer mit roek- en smoakstoffen.

Vlèzen mit krudenedik (origano)

Voak wordt edik ook bruukt as konserveringsmiddel veur gruinte as gruken en lutje siepelkes.

In Engelaand doun ze bie summege gerechten edik over t eten hìn, bieveurbeeld bie chips en patat. Standerd krigst bie t zolt- en peperstel edik op toafel zodatst der zölf bie kìnst doun. In Twìnte doun ze ook edik over de mous.

Leegsaksisch

• Drèents: edik(ke), eek, azien
• Grunnegs:
  • edik(ke) of edek
  • ettig (Grunnegs Reiderlaands)
• Stellingwarfs: eek (uutdrokking: Et is zo zoer as eek)
• Tweants: ettik
• Urkers: eek
• Veluws:
  • eek
  • azien
  • azeen (Doornspiek)
  • azijn
  • eekt (Elburg)
  • edik (Epe, Heerde, Waopenvelde)
  • essik (Lieren)

Trivia

• Jezus kreeg dou hai aan t kroes hong n spons mit edik aanboden noadat hai zee dat hai dorst haar.