Blesente

De blesente, koete of meerkoete (Fulica atra) beheurt tot de femilie van de rallen. De voegel is 38 centimeter groot, is over 't hele lief zwart mar hef een witte snavel en veurkop. Een blesente wonnen gemiddeld tien jaor oud.

Gedrag

De blesente duuk vake, veural as e op zeuk geet naor waoterplaanten. Hij vlieg neet grege, as e vlogge vort wil dan runt e meestentieds fladderend een stuk over 't waoter hinne. Oek bie 't opstiegen uut 't water runt e eerst een stuk. Bie de voegeltrek, dee meestentieeds 's nachs gebeurt, kan e wè grote ofstanen oflegen.

De blesente is een alleseter, hij eet veurnamelijk waoterplaanten, weekdiertjes en waoterinsekken.

Voortplanting

't nes wonnen an de waoterkaante ebouwd van riet en waoterplaanten. Daorin wonnen vuuf tot tien eiers uut-ebreud in zo'n 21 tot 25 dagen tied. De jongen wonnen deur beie ouwers begeleid en kunnen nao ongeveer 8 weken vliegen. Ze kunnen twee tot dree keer per breudseizoen een nes jongen grootbrengen.

Ondersoorten

Fulica atra atra
Fulica atra lugubris
Fulica atra novaeguinea
Fulica atra australis

Waor as e veurkump

De blesente vie-j veural bie grote waoterplekken, plassen en meren, mar oek in parken, grachen en sloten. Hij kump veur in Europa, Noord-Afrika, Azië en Australië. In Nederlaand is 't een algemene breudvoegel - in 2000 wanen er 180.000 breudpaortjes. Buten de breudtied koemen der grote groepen deurtrekkers en wientergasten in Nederlaand veur.

Trivia

In 't osen en 't noorden van Nederlaand wonnen de blesente oek wè waoterkiep(e) eneumd, op de Veluwe bedoelen ze daor meestentieds de Gallinula chloropus mee.

Foto-uutstalling

Nes mit jongen
Museum specimen

Nedersaksisch

Veluws:
- meerkoet(e)
- waoterkiep (Armelo, Garder, Lunteren)
- blesente (Nunspeet)
- blesänte (Attem)
- bleshoen (Putten)
- krikkelante, kwakkelante (Heerde)

Uutgaonde verwiezingen

SoortenBank.nl - beschrieving, ofbeeldingen en geluud

Commons: Blesente - plaatjes, filmkes en/of gelüüdsbestanden.

Disse pagina is eschreven in 't Nunspeets