Breukelen

Breukelen is n darp en veurmaolige gemeente in de Nederlaandse provinsie Utrecht bi'j t riviertjen den Vecht en t Amsterdam-Rienkanaal. t Darp Breukelen had in 2004 9.590 inwonners.

Veurmaolige gemeente Breukelen
Lokasie van de veurmaolige gemeente Breukelen
Informasie
Provinsie	Utrecht
Heufdplaotse	Breukelen
Geografie en bevolking
Oppervlakte  - Laand  - Waoter	48,65 km² 44,48 km² 4,17 km²
Antal inwoeners Inwoeners per km²	14.635 (1 jan 2007) 329 inw./km²
Koordinaten	52° 10′ N, 5° 0′ O
Overig
Op-egaon in Stichtse Vecht

Sinds 1 januari 2011 is de gemeente Breukelen op-egaon in de ni'je gemeente Stichtse Vecht.

Geskiedenis

Waorskienlik was t gebeed veur de jaortelling al bewond. Breukelen wördden in den 7den eeuwe veur t eerst in geskriften eneumd, en wördden Attingahem eneumd, wat verwes naor Atto, nen leenheer van den toonmaoligen Fresen könning. Den praeker Bonifatius zol hier rund 720 n holten karkjen eneumd Sint Pieter, esticht hebben. Daornao stonden daor achterenvolgens dree stenen karkgebouwen. De oldste delen van t stenen gebouw van noe (koor en transept) komt uut de 15de eeuwe en bunt aover de fundamenten van de tweede stenen karke hen ebouwd. De familie van Atto bouwden n verstarkt huus dat zi'j Breukelerhof neumden. Dizen name ging later aover op t darp. In 953 kwam t gebeed, dat intussen in hende van den Duutsen könning was aoveregaone, onder bestuur van den biskop van Bisdomme Utrecht.

In de 12de eeuwe wördden ne tolbrugge aover den Vecht elegd, dee Breukelen-Ni'jenrode en Breukelen Sint Pieters met mekare verbaond. In de 16de en 17de eeuwe wördden langs den Vecht völle butenplaatsen ebouwd, waorunder Boom en Bosch, destieds eigendom van Engel de Ruyter, zönne van Michiel de Ruyter, en teggenwoordig t gemeentehoes van Breukelen.

t Stadsdael Brooklyn van de Amerikaanse stad Ni'j-York is naor Breukelen eneumd. Destieds heetten t Breuckelen.

Bi'j Statsion Breukelen steet de Kortriekse Mölle, ne poldermölle uut 1696.

Kernen

Darpen:		Naoberskoppen:
Breukelen Kockengen Ni'jer Ter Aa		Gieltjensdarp Kortriek Leegni'jkoop Old-Aa Olkoop		Portengen Portengensen Brugge Skeendiek Spengen

Galleri'je

• 
  Breukelen Ni'jenrode
• 
  Anzicht op Kockengen