Gehucht

Een gehucht is ne kleine wonplaatse. De uutleg van gehucht kent n antal meugelekheden. Zo steet et veur n darp dat – deur leu dee et n gehucht neumt – te klein wödt evonden um darp eneumd te wödden en steet et veur ne buurtschop dee op n bepoald vlak wal ne erkende eigen plaatse is.

Et gehucht Weiler Oberwil in Zwitserlaand

Gehuchten bunt net as buurtschoppen mangs ontstoan in den volksmond as benaming veur de plaatse van ne verzameling van huze/boerderi-jen of möllen, ok wal ne neaderzetting eneumd, moar in teggenstelling tot buurtschoppen bunt gehuchten wal op-enommen in de officiële stoatkundige annalen as zelfstandige plaetse.

Et olderwetse verskil tussen ne buurtschop of gehucht an de ene kante en n darp an de andere kante is dat de eersten gin karke hebt en et leste wal. Moar ok de greutte van de wonplaatse wödt as anduding ebruukt. Den uutsproak "buurte met darpsrechten" höldt in dat doar vrögger ne karke in de buurtschop hef estoan, moar dat dee vort is.

Een ander verskil tussen ne buurtschop en gehucht is dat buurtschoppen mangsmoal nen name kent dee of van den gebeedsname kump of van veuranstoande huze of dieken en weagen (mangsmoal woar zi-j den karn noast of op hebt ebouwd), woar gehuchten veulal nen eigen name hadden. Teggenswoordeg is dat verskil neet meer zo scharp.

Nedersaksisch

• Grönnegs:
  • gehucht
  • streekje

Bronnen / wellen:

De Topografische Gids van Nederland, Frank ten Hoven