Catharina-Amalia van Nederlaand

(döärstüürd vanaf "Catharina-Amalia der Nederlaanden")

Preensesse Amalia (geboren 7 december 2003, Den Haag), voluut Catharina-Amalia Beatrix Carmen Victoria van Oranje-Nassau, Arfpreensesse van Oranje, Preensesse van Nederlaand, Preensesse van Oranje-Nassau, is de ooldste dochter van Preens Willem-Alexander en Preensesse Máxima.

GeboorteBewarken

Preensesse Amalia is geboren op zundag 7 december 2003 om 17.01 ure in et Ziekehuus Bronovo in Den Haag. In de steden Den Haag, Den Helder, Willemstad (Nederlaanse Antillen) en Oranjestad (Aruba) is heur geboorte mit 101 saluutschotten ankondigd. Deensdag 9 december, in et oolde stadhuus van Den Haag, gaf heur heit heur geboorte an bi'j de burgerlike staand, in de persoon van borgemeister Wim Deetman.

Drekt nao angifte en et bekendwodden van de naemen van de kroonpreensesse veraanderde de gemiente Almelo et Balkanplein in de stad naor et Catharina-Amaliaplein. Op Bonaire is et vliegveld Flamingo Airport hernuumd naor Preensesse Amalia Airport.

NaemenBewarken

De preensesse wodt Amalia nuumd, of bi'j officiële gelegenheden Catharina-Amalia. Zol ze etzelde doan as heur heit, dan wodt heur naeme as keuninginne Keuninginne Catharina.

Preensesse Amalia het as volgt heur naemen kregen:

TitelBewarken

Nao heur heit Willem-Alexander is Preensesse Amalia de tweede in de order van troonopvolging. Omdat ze de naokommeling is van de eerste, heur heit, het ze de titel van Arfpreensesse. Wodt Willem-Alexander keuning, dan wodt zi'j Preensesse van Oranje.