Daphne Bunskoek

twentske presentatrice en aktrice

Daphne Wilhelmina Bunskoek (Almelo, 22 november 1973) is ne twentske presentatrice en aktrice.

Daphne Bunskoek

Leavensbeskryving bewark

Do as Bunskoek van et vwo küm, wüst see noch kats neet wat se wulde. By de universiteit van Reims volgden he en jår ne språkenstudy, güng når de Universiteit van Twente hen underwyskünde studeren en deade dårnå ne upleiding vöär dramaleyraar an de Hougeskole vöär de Kunsten in Kampen. By dee study must he dree månd in de leyre by Keith Johnstone, nen bekenden britsken teaterleyraar.

Bunskoek kreag rap ne bane by ümroop RTV Oost, wår as see med Willem Alkema en Eddy Zoëy et programma Jong Belegen makeden. Nå at see vöär RTV Oost en verslag makeden van Tooske Breugem uut Zwolle, den as net by musiksender TMF presentatrice was wörden, vrögen se dår Bunskoek üm nen proovpresentaty te doon. Subit wör see anenöämen en presenteerden dårnå verskeidene jåren vöär TMF. Tüsken 2002 en 2005 was Bunskoek te seen by under meyr de programma's Ook dat nog!, Ik doe alles voor jou en Goede Morgen Nederland van de KRO.

Nå et summer van 2005 güng Bunskoek hen warken by RTL Boulevard, en programma oaver bekende neaderlanders, as upvolgster van Beau van Erven Dorens.[1] Ouk deade see et programma RTL Travel an mekander küren.[2] Wyder was see et gesichte van oneMen.[3] Teagen et eande van 2006 deade Bunskoek med an et BNN-programma Ranking the Stars.

In 2004 spöälden Bunskoek vöär et eyrste med in nen film, Feestje!. Öär eyrste rulle in ne televisyryge was in 2005 in Keyzer & De Boer Advocaten, ne advokåtenryge van de KRO en NCRV. Up den 6. juni 2006 kümmen beide senders med de ankundiging at Bunskoek ginne vaste rulle meyr hebben solde in de advokåtenryge, ümdat see te druk was med ander wark.[4] In 2007 spöälden Bunskoek med in de twentske ryge Van jonge leu en oale groond[5] van RTV Oost, under regy van Johan Nijenhuis en Herman Finkers. Up den 17. augustus deade Bunskoek tehoupe med Albert Verlinde et afskeidsprogramma De Laatste Show van den televisysender Tien presenteren.

Ümroop RTL deaden der up 28 mei 2008 en bericht uut at Daphne Bunskoek solde stoppen med de presentaty van RTL Boulevard[6] See had selv al verskeidene målen esegd at se lever by nen publiken ümroop wolde warken. Nå den summer vertelden Daphne Bunskoek up den 1. september in et programma De wereld draait door bekend at see an de gang güng by EVA TV, de nye underneaming van Jooop van den Ende en Paul de Leeuw. In datselvde jår presenteerden see ouk vöär et eyrste med in de Top 2000.

Up den 7. april van 2009 wör et tweyde seisoon van de komedyrygeS1NGLE up TV etöynd. Dårin spöälden Daphne Bunskoek de rulle van Esmée. In 2009 begünde Bunskoek by BNN. Van den 24. augustus töt den 18. september presenteerden see up Net5 en küürprogramma De tafel van 5, emaked döär EVA TV.

Summer 2011 völ see in vöär Mieke van der Weij in et Radio 1-programma Tros Nieuwsshow. Dat nåjår deade se samen med Roué Verveer et NTR-programma De Slavernij presenteren.

Ouk draiden see med in et 14. seisoon van Wie is de mol? up de AVRO, in 2014. See völ as dardes af.[7] Etselvde jår had see ne rulle in de neaderlandske dramaryge Celblok H, oaver de leavens van en paar vrouwlüde in ne gevangenisse.

De tweyde hälvde van 2015 spöälden see gastvrouwe van et küürprogramma SUUS in de tweyde ryge van de dramaryge De Fractie. Et jår dårup, in 2016, deade Bunskoek et programma House Rules Holland van Net5 presenteren.

In 2018 küm Bunskoek weaderümme når RTL 4. Seyd januåri van dat jår was see de nye vaste gastvrouwe van et middagprogramma 5 Uur Live.

In 2020 had see ne kleine rulle as fotografe Julia in de twentske film De beentjes van Sint-Hildegard, van Herman Finkers.

Persoonlik bewark

Van 1998 tot 2001 was see en stel med den drentsken sanger Daniël Lohues. Töt 2004 löyp see med presentator Jeroen Pauw. Underwyl woanet see samen in Amsterdam med musikproducent Wessel van Diepen.

Ümmeropen bewark

Jår Ümroop Wark
1997-1998 RTV Oost Presentatrice
1998-2002 TMF Presentatrice
2002 MTV Presentatrice
2002-2005 KRO Presentatrice
2005-2008, 2013, 2018-heden RTL Presentatrice
2009, 2016-2017 Net5 Presentatrice
2009-2010 BNN Gast-Presentatrice
2011 NTR Presentatrice

Uutgånde verwysingen bewark

  1. Daphne Bunskoek presentatrice RTL Boulevard - Telegraaf, 17 juni 2005
  2. Metronieuws.nl. 'Bunskoek en Fernhout samen bij Yorin Travel'. 20 juni 2005.
  3. Daphne Bunskoek het nieuwe gezicht van oneMen.org - De Telegraaf, 10 juli 2007
  4. Nu.nl. 'Daphne Bunskoek stopt met advocatenserie'. 6 juni 2006
  5. Regiosoap kijkcijferkanon - De Telegraaf, 19 juni 2007
  6. Televizier.nl. 'Daphne Bunskoek stopt met RTL Boulevard'. 28 mei 2008
  7. Televizier.nl. 'Daphne Bunskoek uit Wie is de Mol?'. Denise Parengkuan. 23 januari 2014.