De Meele
De Meele is een buurtskop an de noordwestkaante van 't dörp Ni'jlusen in de Oaveriesselse gemiente Dalsen. De buurtskop lig in de dreihoek Zwolle-Ni'jlusen-Stappest.
De Meele is een uutestrekte, agrarische streke an de gelieknamige weg 'De Meele'. De streke löp min of meer parallel an de N377. Ze strekt heur uut van de snelweg A28 in 't westen töt an de buurtskop Den Hulst in 't noorden van Ni'jlusen.
An de Meele viej nog een riege olde boerderi'jen, een vroggere legere skoele daoras ze een woonhuus van hebt emeuken, een Rehoboth-karkien en een köppel bedrieven. De bedrieven ligt mit name op 't industrieterrein De Meele / De Grift in 't oosten van de buurtskop. Dit industrieterrein breidt ze aldeur wieder uut hen de A28 en De Lichtmis. Bewoners hebt heur in een buurtcomité verienigd um 't verlies van 't laandelijke karakter van De Meele tegen te gaon.
De spoorliende Zwolle-Möppelt deurkruust de Meele.
Bronnen
bewark- Webstee van de gemiente Dalsen
- Infostee oaver Ni'jlusen
- Sterken Rzn, H. (1976), Ni'j luusen mien dörpien, Ni'jlusen: eigen beheer
- Weerd, Jakob de (red.) (2007), Fotoboek Nieuwleusen, Ni'jlusen: Ni'jluusn van vrogger
|
Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek. |