Navajo (volk)

(döärstüürd vanaf "Diné")

De Navajo (Navajo: Diné of Naabeehó) bint een inheems Amerikaans volk det vandage de dag leeft in de Amerikaanse staoten Arizona, Colorado, Nei-Mexico en Utah. Op de Cherokee nao vörmt ze de grootste inheemse groep van Noord-Amerika.

De Navajo-komieken en -acteurs James and Ernie

Zo'n beetien de helfte van de Navajo's woont op een groot risservaot (natie), det hum uutstrekt aover de hierveur enuumde staoten. Zowal qua oppervlak as qua inwonersantal is dit 't grootste indianenrisservaot in de Verienigde Staoten. In de natie lig 't gebied det bekend stiet as de Four Corners, waor de vier enuumde staoten bij menare koomt.

Veul Navajo's praot nog 't Navajo as moedertaal. In de maande mit 't Tlingit en wat kleine talen vaalt 't onder de familie van de Na-Denétalen. Naost Navajo praot de mieste Navajo's ok Engels.

De staoten mit 't grootste antal Navajo's bint Arizona (140.000) en Nei-Mexico (110.000).

Dit stok is eschreven in 't Zuudwest-Drèents.