Engelse schans

De Engelse schans is ne schans dee ebruukt is deur de Engelse huurlingen tiedens et Beleg van Grol in 1627. De schans hebt ze enkele joaren terugge opni'j opebouwd, noadat e lange tied as springbulte deenst hef edoan veur de motorcross. De schans steet bi'j Leeuweld en ie könt em bezeuken.

De Engelse schans ku'j gans rechtsonder zeen op dizze kaarte van et Beleg van Grolle

Veurbeeld van ne schans zoas ebruukt bi'j de belegeringe van Grol in 1597.

Dizze schans wodden ebruukt as laegeringsplek veur de Engelsen tiedens de belegeringe van Grolle. Frederik Hendrik had de geweunte um leu oet etzulfde laand ne eigen schans te loaten bouwen. Vanoet de schans konden de soldaten zich verdaedigen tegen leu van boetenaf, en vanoet hier groven zee greppels op de stad opan. De Engelsen waren in 1627 de rapsten: zee waren et eerst bi'j Grol anekommen. Der wazzen ok nog ne Friese, ne Franse en ne Hollandse schans in dee tied.

De Engelsen hadden ok ne eigen schans bi'j et Beleg van Grol in 1597 deur Maurits van Oranje.