Gerd Constapel

Gerd Constapel (Upgant-Schott, Duutslaand, 18 december 1938) is een Platduutse dichter.

Gerd Constapel

Constapel kump uut Upgant-Schott in de Oostfriese Landkreis Auerk en hef in de zakenwereld bedrievig ewest. Nao zien pensionering in 1998 is e begund Platduutse gedichten te schrieven. Mit zien gedichten wun hij in 2003 en 2009 de Freudenthal-Pries, de belangriekste pries veur Platduutse/Nedersaksische schrieverije. Ok wun e in 2006 de Schrieverwettstriet van de Ossenbrogger verieniging Plattfoss. In 2009 wördden e tweede bij de Klaus-Groth-Pries en in 2013 kreeg e veur zien gedichtencyclus Rüggels de anfieterpries van de Johann-Friedrich-Dirks-Pries.

In 2010 verscheen bij Diesel Verlag zien bundel Olldagsland. Niederdeutsche Gedichte von 1998 bis 2010 mit hochdeutschen Übertragungen. Constapel holdt contacten an mit Nedersaksische schrievers in Nederlaand en hef beveurbield bijedreugen an digitaal tiedschrift veur Grunningstalige literatuur Oader.

Vandage de dag woont Constapel in de Oostfriese stad Leer.

Dit artikel is eschreven in 't Zuudwest-Drèents.