Germaanse mythologie
De Germaanse mythologie bestiet uut n ri'jchien vertellegies die in de rondte deuden bi'j de veurkristlike Germanen. t Göng over de oorsprong en n geschiedenisse van de goden, de weerld en de meansen.
Umschrieving
bewarkWieduut wödt bi'j de terme gebruukt veur de mythologie van alle Germaanse volker, hierbi'j heurt ok de Noorse mythologie. Manks wödt de terme ok gebruukt um juustem alle mythologies an te duden wölken niet beheurt töt de Noorse mythologie. De niet-Skandinaviese (Noorse) Germanen wödt ok wel as de Kontinentaal-Germaansen an-eduud.
Alhoewel beiden wel an mekare waogt bint, bint ze nie heelmaole te vergelieken. Ze bint in ieders geval nie psies geliek an mekare: um t op te numen bint beveurbeeld in Scandinavië Frigg en Freya tweeë verschillenden, maa wel verwaante godinnen, terwel zi'j in de Kontinentaal-Germaanse mythologie maa iéne godinne is. Over de Kontinentaal-Germaansen mythologie binne wi'j barre weinig wies, umdat dissent grotendeels verleuren göngen toe de kontinentale Germanen töt t Kristendom overgöngen. Dit in teegnstelling töt de Noorse mythologie, waor t Kristendom n zettie later zich göngen uutbreijen. De Noorse mythologie hef t vol-ehoalden töt de tied van de Vikings, waor t nog laank levendig was, en wölken rond 't jaor 1000 op schrift ezet wörn.
De karn van de Germaanse mythologie hef völle overienkomsten met aandere Indo-Europese mythologies, zo as de Slaviese, Griekse en Keltiese en (in mindere maote) zölfs met de Indiase mythologie. Maa dat mut ok niet wonderlik ween, want de oorspronklike Indo-Europeanen splitsten zich rond n tweede millenium veur Kristus of in ofzunderlike volker en zekers in de eersten eewen daornao was der waorschienlik nog völle overienkomst op rilligieus en kultureel gebied.
|
Dit artikel is eskreaven in et sallandske dialekt van t Vechtdal, in de Algemene Nedersaksiese Schriefwieze. |