Gerrit Kuijk
Gerrit Willem Kuijk (Dèventer, 29 september 1927 - Stad, 6 november 2018) was een schriever in 't Sallaands en Nederlaands uut de Nederlaandse pervincie Aoveriessel. Mangs gebruukte e de schrieversname Crödde van Niessel.
Kuijk was leraar Nederlaandse taal- en letterkunde en nuumde humzölf 'plattoloog': kenner van 't Nedersaksisch, mit name 't Sallaands, Achterhoeks en Veluws. Veule van zien wark is in 't Dèventers eschreven. Hij schreef onder meer kienderboeken, schoelmethodes, memoires en kraantestokkies.
Van 1994 töt 2001 schreef Kuijk veur 't Deventer Dagblad de wekelijkse Nederlaandstalige column 'Vertaald', aover de geschiedenis van 't Nedersaksisch. Ok schreef e een grammatica van 't Dèventers. Naost ofzunderlijke uutgaves is der wark van hum in verzamelbundels verschenen. Op zien webstee schreef e fuletons.
Kuijk was coördinator van de Strèèktaalgroep Dèventer en Umstrèken, die dartig jaor hef bestaone en der in 2016 mit uutscheidde.
Schrieverije bewark
- Taal op nieuwe leest (taalmethode veur de legere schoele, mit Albert Meuleman, 1958)
- Fundamentaal I & II (veur de Samenwerkende Opleidingsschool voor Kleuterleidsters in Apeldoorne, 1965)
- Een Dèventer jonge in oorlogstied (1990)
- Grammatica van het Dèventer dialect (1993)
Bronnen bewark
|
Dit stok is eschreven in 't Zuudwest-Drèents. |