Glaozemaker

Glaozemakers of glaozewassers (Odonata) vormen een insecte-orde die wereldwied veurkomt mit meer as 5.000 soorten, merendeels in warmere gebieden. In Nederland en België leven zo'n 70 soorten glaozemakers. Glaozemakers bin vrie makkelijk te oenderscheien van are insecten, an de hand van de volgende kenmarken:

• Twee paor vleugels, die stevig, riek eaord en niet opvouwbaor bin, behalve bie de suborde van de Zygoptera.
• Kleine veulsprieten, die-j krap-an zien kunnen.
• Een lang en meestentieds slank achterlief.
• Grote samen-estelde ogen op een beweeglijke kop.
• 't Borststuk is schriks ericht.
• De poten bin naor veuren toe eplaotst.

Glaozemaker

Kleuren

De prachtige kleuren vervullen belangrieke functies veur de glaozemaker. Ze helpen bie 't herkennen van een epast mannetjen of vrouwtjen. Ze zörgen der oek veur dat de vorm van 't lief een bietjen verbörgen wort, waodeur ze makkelijker veur roofdieren verbaargen kunnen. Bie 't regelen van de temperetuur van 't lief wort deur een paor soorten de meugelijkheid tot kleurverandering gebruukt. Bie kouwere umstandighejen vient een verkleuring plaots van blauw naor bruun, waodeur de glaozemaker opwarmt.

Nedersaksisch

• Drèents:
  • glaezenwasser, glaoze(n)wasser, glazenwasser
  • blaorenbieter
  • wrattenbieter
• Grunnegs: droakenvlaig
• Oostfreisk:
  • hiespeerdje (Moormerlandsk)
  • herenpeerdje
  • duvelspeerdje (Pdt skriefwies: Düvelspeerdje)
  • droukenfleig (Pdt skriefwies: Drakenfleeg)
  • skoulapper (Pdt skriefwies: Schohlapper)
  • woortenbieter
  • blainbieter
• Stellingwarfs:
  • waeterjuffer
  • oosterpeerdjen (Westhoekers, De Kuunder, Blankenham)
• Tweants:
  • libelle
  • glazenmaker
  • glaajnmaker (Riesn)
• Veluws:
  • libelle
  • libel (Vaossen, Hoevelaken)
  • gläzenmäker (Attem)
  • glaozemaker (Putten)
  • glaozewasser (Putten, Armelo)

Foto-uutstalling

• 
• 
• 
• 
• 
• 
• 
• 
• 
• 
• 
• 

Disse pagina is eschreven in 't Putters