Gortel

Gortel (uutspraoke: Gottel of Go'el) is n olde buurtschap van Emst in de gemeente Epe, in de Nederlandse provinsie Gelderland. De name Gortel is waorschienlik n samenvoeging van goor (moerassig land) en loo (bos). t Is goed meugelik dat t eerder Goortelo heetten en dat t later in-ekort is töt Gortel, zo as mit zoveule plaatsnamen gebeurd is (bv. Hengel, Maarkel, Lintel en Armel (vroggere benaming, noe weer Armelo)).

Hoewel de buurtschap klein is hef Gortel n eigen schoele en n karke. De plaatselike umstandigheden hebt dertoe eleid dat de umgeving n bescharmde staotus hef ekregen, t is n bescharmd darpsgezichte. t Ligt in n rustige umgeving en de boerderiejchies bint allemaole goed beweerd ebleven.

Gortel bestiet uut zo'n 25 boerderiejchies, boshuzen en n schoeltien. t Pläätsien hef zo'n 70 inwoners.

Schoele

De schoele, Het Mosterdzaadje (t Mosterdzötien), is in 1889 deur de bevolking op-ericht. De griffermeerde schoele vervult momenteel n regionale funksie: naost kienders uut de gemeente Epe trekt t ok veule kienders uut de gemeente Apeldoorne.

Monumenten

Gortel hef zes rieksmonumenten, allemaole terreinen mit grafheuvels uut t neolithikum en/of de bronstied. t Meistershuus mit liendebomen en de schoele bint gemeentelike monumenten.

Gemeente Epe
Heufdplaatse Epe Darpen: Emst · Une · Vaossen Buurtschappen: Boshoek · Diekhuzen · Geerstraote · Gortel · Hanedarp · De Hegge · De Jonas · t Laor · Laorstraote · Loobrink · Niersen · De Oosterhof · Schaveren · Tongeren · Vemde · Westendarp · Wienbargen · Wissel · Zuuk

Dit artikel is eskreaven in et oustveluwske dialekt van Epe, in de Algemene Nedersaksiese Schriefwieze.