Haorlemmerliede en Spaornwolde

De vroggere gemeente Haorlemmerliede en Spaornwolde (Nederlands: Haarlemmerliede en Spaarnwoude) ligt in de Nederlandse provinsie Noord-Holland, met ne oppervlakte van 20,86 km². t Gebeed is n röstig tovlöchtsoord as plattelandsgemeente in de verstaedelikte Randstad. Den anleg van t vri'jetiedsgebeed Spaornwolde hef de gemeente van n veural boerenstraeke veranderd in ne plaatse, waor ok stadsen geerne mögt kommen om te kuiern, fietsen, vissen, scheuvelen, golfen, te geneten van de natuur en te vaoren.

Gemaente Haorlemmerliede en Spaornwolde
(Vlagge van Haorlemmerliede en Spaornwolde)	(Waopen van Haorlemmerliede en Spaornwolde)
Lokatie van de gemeante Haorlemmerliede en Spaornwolde
Informasie
Proveensie	Noord-Holland
Heufdplaatse	Halfweg
Geografie en bevolking
Öppervlakte  - Laand  - Water	20,86 km² 14,86 km² 6,00 km²
Inwonners Bevolkingsdichtheid	5.471 (1 juli 2006) 368 inw./km²
Koordinaten	52° 24′ N, 4° 43′ O
Aoverig
Belangrieke verkeersaoders	A9, N200, N202
Netnummer	020, 023
Postkode	1165, 2060, 2061, 2064, 2065
Offisiële webstie www.haarlemmerliede.nl

Daornaast besteet der bedrievigheid in de gemeente. De industriegebeden van Halfweg en Spaorndam bunt zoveul in greutte to-enommen dat zi'j neet meer in ne kenschetse van de gemeente meugt ontbrekken.

De gemeente besteet uut de volgende plaetse:

• Haorlemmerliede
• Halfweg (gemeentehoes)
• Penningsveer
• Spaorndam-Oost
• Spaornwolde

Geschiedenis

De gemeente Haorlemmerliede en Spaornwolde is ontstaon op 8 september 1857 deur samenvoging van de gemeenten Haorlemmerliede en Spaornwolde. t Oorspronkelike veurstel was um de ni'je gemeente Haorlemmerliede te neumen. Onder drök van verzeuken van inwonners van Spaornwolde is hieran den name Spaornwolde to-evoogd. Dit umdat Spaornwolde wietweg t oldste darp van dee twee was en ok al eeuwenlange as sentrum op t gebeed van godsdeenst en onderwies veur darpen in de umgaeving deenden.

Op 27 september 1863 bunt de gemeentes Houtriek en Polanen Halfweg en umgaevink en Zuudschalkwiek (teggenwoordigen wiek Schalkwiek in Haorlem Zuudoost to-evoogd. Nao de inpoldering van t Holtrak, n deel van t IJ, in 1874 kwam der n groot stuk land bi'j: de Holtrakpolder.

Op 1 mei 1927 was der ne ni'je indaeling van de gemeentegrenzen rondumme Haorlem, waorbi'j de gemeente Haorlem duftig wierd uutebreid. Den gemeenten Schoten en Spaorndam gingen op in de gemeente Haorlem. Veur Haorlemmerliede en Spaornwolde betekkenden dit dat de Weerderpolder, en daelen van de Veerpolder, Zuderpolder en de Romöllepolder an Haorlem wierden of-estaon.

Op 1 oktober 1963 wierd de rest van dizze polders an Haorlem aoveredragen. Hierbi'j wierd t darpsken Zuudschalkwiek dele van de gemeente Haorlem.

In 1963 en 1970 is n groot deel van de Holtrakpolder aoveregaon naor de gemeente Amsterdam. Dit ging neet zunder stried. Zo wierd Ruugoord, naodat de oorspronkelike bewonners vort waren egaone, bewond deur teggenstanders van de inname. Ok den tomaoligen börgemeister Frank IJsselmuiden hef zich altied fel uutelaoten teggen de uutbreiding van t Amsterdamse Havengebeed.

Uutgaonde verwiezing

• Gemeentelike webstae
• Webstee van de gemeente Haorlemmerliede. Met tostemming is n gedeelte aoverenonmen.

Galleri'je

• 
  Raodhoes in Halfweg
• 
  De Sukerfabriek van Halfweg
• 
  Spaorndam, karkjen
• 
  Hansjen Brinker in Spaorndam

Dit artikel is eskreaven in et achterhooksk, in de Algemene Nedersaksiese Schriefwieze.