Hegemors

De hegemors of hegemos (Prunella modularis) is n zangvoegel uut de familie van hegemorsen (Prunellidae). De hegemors wort deur partie minsen oek wel t blauwe paapjen eneumd, oekal het ie gien blauwe kop. Disse naam wort vaker gebruukt veur de voegel die in t Nederlands n pimpelmees eneumd wort.

Prunella modularis

Kenmarken

Ze worren vuuftien sentimeter groot, oengeveer net zo groot as de huusmors. Blauwe paapjes leven in bosgebiejen, bossages en struukgewassen. Ze lieken veul op t wiefjen van de huusmors, mar dan mit n dunnere sneb en n grieze kop. Hie het n hoge en heldere zang.

Ze verplaotsen der eigen op n eigen manier: leeg bie de groend oender struken en hegen, op paodjes en zelfs in laonen van parken op zeuk naor voedsel.

Voortplanting

Cuculus canorus canorus + Prunella modularis

De voegels nestelen in hegen (vandaor de naam), mar oek in struken en lege planten.

De hegemorsen in Noord-Europa trekken swienters naor t zujen en t westen. In Nederland en België kommen hegenmorsen t hele jaor veur.

Nedersaksies

Der wort in t Nedersaksies meestentieds gien onderscheid emaakt tussen morssoorten, ze worren vake gewoen morsen, mossen, enz. eneumd. Hieroender zie'j n paor are dialektwoorden veur de hegemors.

Veluws:
- heggemus(se), -mos(se), -mors
- hegemus(se), -mos(se), -mors
- hegmusse (Une)
- basternachtegaal (Emst)
- boerennachtegaal (Garder)
- blauw paapjen (Putten, Barreveld)
- straotjongen (Elburg)

Ofbeelding en zanggeluud

Beluuster zien zanggeluud

Waornemingen in Nederland

Uutgaond verwiezingen

SoortenBank.nl - beschrieving, ofbeeldingen en geluud

Commons: Hegemors - plaatjes, filmkes en/of gelüüdsbestanden.

Dit artikel is eskreaven in et westveluwske dialekt van Putten, in de Algemene Nedersaksiese Schriefwieze.