Hyves (Engels vuur biejnkörve) was nen Nederlaandsen webstea woerop zik leu gratis anmeeldn konn duur n profiel an te maakn. De stea besteund seend 2004 en har oawer de 7,5 miljoen leedn. De stea was dr op erichet um oew vriendenkreenk oet te breaidn. Det kon met leu dee'j al keant (en zik ook bie Hyves an emeeldt hadn), mear et kon net zo good met leu dee'j op Hyves leardn kenn. Zo bouwn iej oew netwoark oet. Hyves is begunn duur Raymond Spanjar, Koen Kam en Floris Rost van Tonningen.

Beeldmoark van Hyves

t Makkelike van Hyves, in teegnstellige tot aandere sosjale netwoarke, was de'j nit met html of aander programmeerspul kunnig hoown te wean.

Soorten Hyves bewark

Op Hyves ko'j ne Hyve opzeukn den at biej oew past. A'j biejvuurbeeld voetbal as leefhebberieje hebt, meeldn iej oew an biej ne voetbal-hyve. Iej konn oew bie zovölle biejnheupe anmeeldn a'j mear woln. Dr warn onmeundig völle hyves vuur oeteenloopnde interesses. Ze warn in edeeld in verskeaidene kategoriejn, zo as meziek, sport, of kultuur. Dan ha'j nog hyves dee't steundn vuur n politiek peunt of mennige, of vuur anhangers van bepoalde persoonn of groepn.

Bekende leden bewark

Völle politici hebt de kracht van Hyves in ezeen en maakn vuur de verkiezingn van 2007 n profiel an. Eankele vuurbeeldn warn Wouter Bos, Geert Wilders, Famke Halsema en André Rouvoet.

n Ooldn minister-President Jan Peter Balkenende meeldn zik ook an en kreeg vanof det he zik anmeeldn töt april 2007 mear as 64.000 vreanden. Zelfs de politie gebreuk Hyves um verdachtn op te zeukn, duur signalemeantn met profieln te vergeliekn.

Muzikaantn bewark

Völle bekeande ärtieste meeldn zik an oonder Hyves Music (Biejnheupe Meziek), um zo n grötter pebliek an te könn sprekn. Disse mezikaantn kreegn dan n spesjaal muziekspöllerken op öare profielpagina, woermet ze öare eegne meziek promootn konn. Eankele bekeande artieste en dj's dee't hier gebroek van maakn warn Michiel Veenstra, Miyavi, Alpha Twins, Erick E, Cor Fijneman, Roog, Di-rect, Gerard Joling R.O.O.O.M, Opgezwolle, Tiësto, Ilse DeLange, Birgit Schuurman, Do, Esmee Denters, Krezip en Marcel Woods.

Veardere informasie bewark

Duurdet Hyves zovölle leedn har, warn dr vaake probleemn met inleassnelheaid of neet-woarkende verbeendings. Dit nömn völle leu vuur leef, en zodöanig wör Hyves ekeuzn tot populairste stea van 2007.

Veraandering bewark

Duurdet t internasjonale netwoark Facebook in kortn tied oetgröaidn töt n völle populeardere webstea as hyves, mos Hyves met aandere ideejn komn um te bliewn ansprekn. 2011 kondigen ze an at ze oawergungn as Content Platform, en nit mear zovölle as sosjaal netwoark. In 2013 besleut Hyves öare sosjaalnetwoarkstatus op te geewn en as spöllekesplatform duur te goan.

Oetgoande verbeendege bewark

  Disse pagina is eskreewn in t Riesns