Jegdrasiel of Yggdrasill is noam van de "Wereldboom" (middelkerwies n eskenboom) ien de Noordische kosmogonie. De noam lôt zok letterlieks vertoalen as "paard van Yggr", of wel "paard van Odin (Woden)", en verwis noar de roege levenskracht dij hom dragt en overal hìn vouert. De oorspronkelke noam wordt maisttieds schreven as "Yggdrasill", môr wordt ien t Grönnegs oetsproken as gjeddrasiel, mit t zaachte g-. De klìmtoon ligt op de -a-.

Taikenen van Jedrasiel en de verschaaidene werelden.

Jegdrasil is de levensboom en kennesboom, t symbool van de ìndloos vertakte vörm van aal dat is. Liekertied dragt en verbindt hai de werelden as wereldas (axis mundi). Dizzent toont vot wèg noar t hogere tou, de wèg dij de sjaman volgt om ien t riek van goden en gaisten te kommen. Hai rekt van de onderwereld dwaars deur de mìnskenwereld noar wereld van goden en helden tou.

De negen werelds dij Jegdrasiel verbinden dut bewark

1. Asgerd, wereld van Asen
2. Elvum, wereld van (lucht-)elven
3. Muspellum, wereld van vuur
4. Vanum, riek van vruchtboarhaidsgoden; de Vanir
5. Midgerd, wereld der mìnsken
6. Jöttenum, wereld van Jöttens
7. Niflum, het rijk der nevelen; hier huisden de doden
8. Svaartelvum, wereld van svaartelven of dwaarven
9. Hellum, de woonstee van godin Hel