Sukerjennigjen

Sukerjennigjen of kamperfoelie (Lonicera) is een geslach van slingerplaanteen en struken dat in Europa, China, Noordoost-Azië en in de Amerika veurkump. 't Geslach beheurt tot de kamperfoeliefemilie (Caprifoliaceae). De plaanten greuien um aandere plaanten en bomen hinne.

De bloemen hemmen veural 's avens een starke zeute geur. Ze bin der in verschillende kleuren, de roze-rooie en geel-witte koemen 't meest veur. De plaante ku-j makkelijk vermeerderen uut zoemer- of wienterstekken.

Woordbetekenisse

De naam sukerjennigjen kump werschienlijk deurdat de geur 's avens beheurlijk zeut en stark is, en deurdat de bloemen een eetbaore zeute nectar anmaken. A-j de stengel van 't sukerjennigjen breken dan ku-j de zeute geur oek goed ruken.

't Sukerjennigjen, oek wè kamperfoelie eneumd, wönnen in sommigen dialekken oek wè geitenblad of geitenklever eneumd. Dat kump overene mit 't Franse 'chèvre-feuille', 't Duutse 'Geißblatt' en 't Italiaanse 'caprifoglio'. De naam kamperfoelie is een verbastering van de Italiaanse vorm.

De botanische naam Lonicera kump van de achternaam van de Duutse plaantkundige Adam Lonitzer.

Klimmende soorten

Lonicera caprifolium - 't gewone sukerjennigjen
Lonicera japonica
Lonicera periclymenum - 't wilde sukerjennigjen
Lonicera sempervirens
Lonicera ×heckrotti (Lonicera americana × Lonicera sempervirens)

Greunblievende struken

Lonicera fragrantissima
Lonicera nitida - 't Chinese sukerjennigjen
Lonicera pileata
Lonicera korolkowii
Lonicera ledebourii
Lonicera maackii
Lonicera morrowii
Lonicera tatarica
Lonicera xylosteum - 't rooie sukerjennigjen
Lonicera syringantha
Lonicera ×purpusii (krusing Lonicera standishii × Lonicera fragrantissima)

Nedersaksisch

Stellingwarfs: zoegepappe
Veluws:
- kamperfoelie
- sukerjannegies (Emst)
- sukerjennigjen (Nunspeet)
- tutjes (Barreveld)
- handjeshout (Niekark)

Commons: Sukerjennigjen - plaatjes, filmkes en/of gelüüdsbestanden.