Kapstokke
Een kapstokke is een meubelstuk speciaal bedoeld veur 't ophangen van jassen, mar oek veur hoejen of petten. Vake steet een kapstokke in 't halletjen zodat jassen bie binnenkoms op-ehungen kunnen wonnen. Een kapstokke biet vake oek de meugelijkheid um onderin parreplu's neer te zetten.
Der bestaon 2 types kapstokken:
- Een kapstokke mit haakjes; jassen kunnen an 't lipjen in de nekke op-ehungen wonnen.
- Een kapstokke mit kledinghangers; jassen mutten hier umhinne ehungen wonnen.
Een kapstokke is hendig umdat jassen hierdeur beter kunnen dreugen dan as ze op een stapel liggen, umdat ze beter weerumme te vienen bin en over 't algemeen zien ze der dan oek knapper uut.
In sommigen films en series speulen kapstokken een kleine rolle umdat de heufrolspeuler hier dan zien hoed bie binnenkoms opkwak (bieveurbeeld in Toen was geluk heel gewoon).
Vrogger was 't op de Veluwe heel gewoon a-j de jas an een spieker ophungen.