Karspel Goor is n boerskop van de vuurmoalige gemeente Maarkel en heurt send 1 januwoari 2001 bie de gemeente Hof van Tweante, in Tweante. Van alle Maarkelse boerskoppen ligt Karspel Goor t wiedst van Maarkel of, en ligt oawer n proveensjalen weg Goor-Hoksebarge. Van ooldsher hef Karspel Goor ook aait mear met Goor verbeunden ewest as met Maarkel. n Namen Karspel Goor betekent ook "Tooheurend an parrochie Goor". In Karspel Goor wont beheurlik wat Roomsen, terwiel t merendeel protestaants is. t Roomse deel heurt bie de parrochies Goor of Hengevealde.

Havezates bewark

 
Havezate Weldam

Karspel Goor har nog wal wat havezates. Twee doarvan vörmt nog aait n laandgood samen; Wegdam en Weldam. n Groot deel van de boerderiejen in Karspel Goor heurt an t laandgood Weldam, wat te zeen is an de luken in de kluren zwart-gel-wit. Vroger leaden in Karspel Goor ook de havezates Oliedam en Kevelham. Heeckeren, wat vroger bie Karspel Goor heurden, ligt rechtevoort in de bebouwde komme van Goor.