Wiene

Wiene is ne boerskop in de gemeente Hof van Tweante, in Tweante. Wiene omslöt t boetengebeed tusken Deelden, Goor en Beantel.

Wiene in de Hof van Tweante

t Laandskop van Wiene is kenmoarkend vuur Tweante, met völle hooltwallen. dwars duur Wiene löp t Tweantekanaal en de spoerliene tusken Zutfen en Glanerbek. De meeste leu dee't in Wiene woont zeent voarkensboer.

Wiene is nauw verbeunden met de boerskop Zeldam. Inwonners van beaide boerskoppen köant good met mekoar, goat noar dezelfde vereniges, en hooldt alle joaren met mekoar n Zommerfeest.

De meeste inwonners zeent Roomsk. n Kleain deel van Wiene heurt an de parochie HH. Petrus en Paulus in Goor, t aandere deel heurt an de Deeldense parochie H. Blasius.

Leu dee't nit boert, woarket meesttieds in Goor, en ze mut doar ook de bosskoppen halen.

Geskiedenisse

Wiene heten van oorsproonk Wedehoen, en umvatten toertieds ook Zeldam. t was ne boerskop, mer ook boermoarke in t Richterambt Dealden. In Wedehoen lea ene van de zeuwen Laandshearlike heuwen van Tweante, Hof Wedehoen. Wieders leaden in Wiene vroger de laandhuze Duis en Langenhorst.

Oetgoande verbeendige

• Webstea van Wiene-Zeldam

	Plaatsn in de gemeente Hof van Tweante
	Achterhook · Beantel · Dealdn · Dealdnerbrook · Dealdner Es · Deepn · Diekerhook · Ealsn · Ealsenerbrook · Goor · Hengeveelde · Harke Karspel Goor · Maarkel · Maarkelsebrook · Maarkvealde · Oazel · Pothook · Stokkum · Wiene · Zeldam Oaveriessel · Steden en dörpen in Oaveriessel      Nederlaand · Previncies · Gemientes