Krüüs van Bentheim

Et krüüs van Benthem (düütsk: Herrgott von Bentheim) is een krucifiks uut de teende- of elvde eywe in de düütske plaatse Bad Benthem.

Beskryvving

Et beald is emaked van benthemmer sandsteyn in romaanske styl en beald een Christus an et krüüs üüt. Et hevt waerde ümdat dit beald eyne van de oldste vöärwarpen is van et christendom in dit deyl van Düütskland. Der wördt edacht dat et beald kenmarken hevt van de oldsassiske kulture. De wyse ho as den arms van Christus eböägen bint, sol gelyke weasen med et gebår van een germaanske rechter, wanneyr as hee sprekken döäd. Et krüüs is 2,45 meater houge en 1,40 meater breyd.

Geskydenisse

In 1828 hebbed sy et krüüs up een akker körtby Schulte-Kolthoff evünden. Et beald sol dårümme een wegkrüüs ewesd künnen hebben, wat nå et begün van de reformaty in 1544 is ümme-gooied en dårnå under et sand ekummen is. In 1868 wördden et beald up de binnenplaatse van Kasteel Benthem esetted. Up dee plaatse güng et in 1945 kapot döär een geallieerd leagervoortüüg. Dårnå hebbed sy et erestaureyred en in 1951 terügge-setted.

Weatyn

• Herrgott von Bentheim was vrogger een vlook, wår de landwarkers med skelleden

Dit artikel is eskreaven in et sallandsk.