Kvernufoss

n Kvernufoss is nen önnevear 50 m heugn woaterval in t zuudn van Ieslaand lichlik ten eustn van t plöatskn Skógar.

n Kvernufoss.

n Kverná-stroom hef zinn eurspröng in n Eyjafjallajökull-gletsjer, ström oawer n raand van nen klif den vreuger de kösteliende van Ieslaand was, en väl in nen kleainn kloof öp n groond an. Noadet disse kösteliende zich deur t ömheugriezn van Ieslaand in n loatstn iestied trög-trökn had (dee leg noe önnevear 5 km vearderöp), bliefn de kliffe aachter en vörmt noe samn met de bärge d'raachter de greanzn tuskn t loagland en de heuglaandn. Önnevear 1 km noar t westn leg n bekäntere Skógafoss-woaterval.