Kop van Overiessel
De Kop van Overiessel is een regio in et noordwesten van de perveensie Overiessel. Et gebied komp tegensworig vri'jwel overiene mit de gemiente Stienwiekerlaand. Historisch eziene wodden ok de gemientes Kampen, Zwartewaeterlaand en Stappest bi'j de Kop erekend.
De naeme is een verwiezing naor de ligging binnen Overiessel — in et noorden, intied dat et gebied veur et grootste diel deur de perveensies Frieslaand, Drenthe en Flevolaand omgeven is. Vrogger stond et ok bekend as et Laand van Vollenhove.
De grootste plaesen bin Kampen, Stienwiek, Gällemuun en Stappest, aj de leste mitrekent. Daornao bin Asselt, Veno en Oldemaark de wat grotere plaesen. Een bekend dörp is Gietern, dat vule volk trekt om zien broggies, waeterwegen en punters, en beroemd is ewodden deur de film Fanfare van Bert Haanstra.
In de Kop lig et 10.000 bunder grote Nationaole Park De Weerribben-Wieden, ekologisch eziene ien van de belangriekste moerasgebieden in Europa.
|
Dit stok is eschreven in et Stellingwarfs van de Kop van Overiessel. |