Lex Schaars

Lex Schaars (Borklo, 1941) is nen dialectkundegen, verbonden an 't Staring Instituut in Deutekem. Vanaf 1980 warkt e an 't Staring Instituut onder meer an 't systematische Woordenboek van de Achterhoekse en Liemerse Dialecten WALD. Doorvan bunt acht delen oet-ekommen.

Andere publicaties

Andere pubicaties van 'm aover 't Achterhooks en Liemers bunt:

• Staring zien gedicht De tuchtiging der Algerijnen op den 27 van Oogstmaand 1816 (Zutphen 1980).
• Zutphen, Zutphens, Zutphenezen, Zutphenaren, in: Joep Kruijsen en Nicoline van der Sijs Honderdjaar stadtaal (Amsterdam/Antwerpen 1999).
• Van Prukkedorus, Spinnenkop en Tooverdan (Aalten 2004; in samenwarking met Arie Ribbers en Cora Schaars-Kolk).
• Samen met drs. Loes Maas hef e de eindredactie van de serie Boerderij- en veldnamen dee deur 't Staring Instituut oet-egevven wörd. Elk deel van de riege geet aover ne (veurmaolege) gemeente in den Achterhook of Liemers.
• Bi-jdrage an 't Handboek Nedersaksische Taal- en Letterkunde.

Wietere activiteiten

• Bestuurslid Vrienden van de streektaal Lochem en Umgeving
• Bestuurslid Verbond van Nedersaksische Dialektkringen
• Adviseur Streektaaldictee

Bronnen / wellen:

Webstae dialectkring Achterhook en Liemers