Malta (laand)

Malta is een dwargstaot elegen in de Middellaanse Zee dee besteet uut de eilanen Malta, Gozo, Comino en de kleine onbewoende eilanen Manoeleilaand, Cominotto, Filfla, Fungusrots en de Sint-Paulseilanen. 't Wönnen op 21 september 1964 onofhankelijk van 't Verenigd Koninkriek. De heufstad van Malta is Valletta.

Repubblika ta' Malta Republic of Malta
Vlagge van Malta (laand)	Wåpen van Malta (laand)
Ligging van Malta (laand)
Basisgegeavens
Officiele språke	Maltees, Engels
Höyvdstad	Valletta
Regeringsform	Rippebliek
Godsdeenst	Rooms-katteliek
Geografy en bevolking
Uppervlakde - Water	316 km² -%
Inwoanertal - Dichtheid	395.000 1249 inw./km²
Koordinaten	35° 55′ N, 14° 25′ O
Oaverige
Volksleed	L-Innu Malti
Münteynheid	Maltese lire (MTL)
Tydzone	+1
Nationale feystdag	21 september (Onofhankelijksheidsdag)
Web | Kode | Tel.	.mt | MLT | 356

Geografie

Laandschap

Malta is vrie kaol en rotsachtig mit relatief minnig netuurlijke begreuiing. Van 't zuudwessen naor 't noordosen loop 't eilaand schune of, 't is as 't waore ekaanteld. Kenmarkend bin oek de tientallen baaien en inhammen. De stranden bin klein en dikkels rotsachtig; allinnig in 't noordwessen bin der een paor zaandstranden.

Over de lengte van 't eilaand loop een diepe vallei mit op de bojem een weg, dee in tiejen van zwaore regenval in een kolkende revier veraander.

Gozo (Għawdex in 't Maltees) is een kleine versie van Malta, inclusief de baaien en de diepe vallei over de lengte. 't Laandschap is allinnig wat roeger en greuner, veural 's wienters.

Stejen

De heufstad van Malta is Valletta.

Enkele stejen bin:

• Birkirkara
• Buġibba
• Mdina
• Mosta
• Rabat
• Qawra

Bestuurlijke indeling

Op Malta hef elk darp zien eigen bestuur. Der bin 68 gemeentes.

Demografie

Bevolking

Malta hef ongeveer 400.000 Maltezen mar is hiermee toch een van de lanen van de wereld waor de luui 't dichst op mekaar woenen. 't Laand is oek arg toeristisch. Ruum 1 miljoen toeristen bezeuken 't eilaand per jaor, waordeur 't der soms iezig drok is.

Talen

De twee officiële talen bin 't Maltees en 't Engels. 't Maltees is of-eleid van een Arabisch dialek onder invleud van de Saracenen, mar hef oek een starke invleud ondergaon van onder aandere 't Italiaans. 't Is de enigste Semitische taal dee in 't Latiense alfabet eschreven wonnen. 't Maltees is de moerstaal van de meeste luui en win an betekenis.

Religie

De bevolking is veurnamelijk rooms-katteliek, zo'n 98% volgens de leste schattingen.

Uutgaonde verwiezingen

• InforMalta (Nederlaans)
• Maltapagina (Nederlaans)
• Guide to Malta (Engels)
• Foto's van 't Maltese eilaand Gozo (Engels)

Commons: Malta - plaatjes, filmkes en/of gelüüdsbestanden.