Stortregen
Regendruppels vallen in een plasse
De regen vuilt zichbaor uut de wolken

Regen is een vorm van neerslag, net as snee (ieskristallen) en hagel (bevreuren regen).

Regen ontsteet as der zoveule waoterdruppels in de wolken zitten, dat ze tegen mekaarbotsen en zo groter wonnen. Ho groter de waoterdruppel, ho gauwer 't ummeneer vuilt (van 1 centimeter per ure tot 10 meter per seconde). Allewel de luch in de wolke opstieg, zal nao veule botsingen de greuiende waoterdruppel uuteindelijk ummeneer vallen. Tiejens 't vallen wonnen de druppel deur botsingen stark, mar verlies 't oek waoter (dreugeblaozen) en allinnig de grote druppels haolen de grond. In warme lanen zie-j soms hoge wolken mit een regensliere dee in de dreuge luch onder de wolke gauw weer verdamp en nooit de grond haolt. Soms is 't in de tropen zok moekerig weer onder de regenende wolken, dat opstiegend voch de wolke weer anvult en 't blif regenen. Dit kan allinnig as de temperetuurverdeling in de luch gunstig is. Regen wonnen meestentieds op-evungen in een regentonne, of geet de ofvoer in.

Regen in NederlaandBewarken

Gemiddeld vuilt der per jaor 690 tot ruum 900 millimeter an neerslag in Nederlaand. De dreugste plaosen koemen veur in 't zuudosen van 't laand (midden-Limburg), de natste op de Veluwe. 's Zoemers vuilt der meestentieds meer regen as 's wienters. Deur de warmte kunnen fikse bujen ontstaon, waordeur dan in een korte tied meer regen vuilt as in de kouwe periodes van 't jaor. In de naozoemer en 's harres vallen de zwaorste bujen vake in de kusprevinsies, umdat 't warme zeewaoter de bujen dan activeert.

RegencyclusBewarken

Regen speult een belangrieke rolle bie de waotercyclus op eerde: waoter uut de oceanen verdamp, condenseert in de vorm van wolken, vuilt op 't eerdoppervlak neer in één van de vormen van neerslag, en kump uuteindelijk weerumme in de oceaan via streumen en revieren um opniej an de cyclus te beginnen.

SymbolenBewarken

De volgende symbolen wonnen gebruuk op weerkaortn:

Symbolen Nummer Beschrieving
20 Motregen of motsnee in 't vergangen ure
21 Regen in 't vergangen ure
23 Regen en snee, of iesregen in 't vergangen ure
24 Regen mit iezel of motregen mit iezel in 't vergangen ure
25 Regenbuje in 't vergangen ure
26 Sneebuje, of regen- en sneebuje in 't vergangen ure
50 Lochte motregen mit onderbrekingen
51 Lochte motregen zonder onderbrekingen
52 Maotige motregen mit onderbrekingen
53 Maotige motregen zonder onderbrekingen
54 Zwaore motregen mit onderbrekingen
55 Zwaore motregen zonder onderbrekingen
56 Lochte motregen mit iezel
57 Maotige of zwaore motregen mit iezel
58 Lochte regen en motregen
59 Maotige of zwaore regen en motregen
60 Lochte regen mit onderbrekingen
61 Lochte regen zonder onderbrekingen
62 Maotige regen mit onderbrekingen
63 Maotige regen zonder onderbrekingen
64 Zwaore regen mit onderbrekingen
65 Zwaore regen zonder onderbrekingen
66 Lochte regen mit iezel
67 Maotige of zwaore regen mit iezel
68 Lochte regen en snee en/of motregen mit snee
69 Maotige of zwaore regen en snee en/of maotige of zwaore motregen mit snee
79 Iesregen
80 Een lochte regenbuje
81 Maotige of zwaore regenbuje
82 Wolkbreuke
83 Lochte snee- en regenbuje
84 Maotige of zwaore snee- en regenbuje
87 Lochte korrelsneebuej, mit of zonder regen en/of regen en snee
88 Maotige of zwaore korrelsneebuje, mit of zonder regen en/of regen en snee
89 Lochte hagelbuje, mit of zonder regen en/of regen en snee, en nog zonder donder
90 Lichte hagelbuje, mit of zonder regen en/of regen en snee, en nog zonder donder
91 Onweer in 't vergangen ure en lochte regen op 't mement van waorneming
92 Onweer in 't vergangen ure en maotige of zwaore regen op 't mement van waorneming
93 Onweer in 't vergangen ure en lochte snee, regen en snee, of hagel op 't mement van waorneming
94 Onweer in 't vergangen ure en maotige of zwaore snee, regen en snee, of hagel op 't mement van waorneming
95 Loch of maotig onweer mit regen, snee, of regen en snee
97 Zwaor onweer mit regen of snee


NedersaksischBewarken

Noot: regen spreek ie ien de meeste dialecten uut as reekhn. In 't Veluws as rìgn, ri'jagn, rìgge, règn* en gao zo mar deur.

  Commons: Regen - plaetjes, filmkes en/of geluudsbestaanden.
  Commons: Regen - plaetjes, filmkes en/of geluudsbestaanden.