Middelharnis

Middelharnis (in t plaatselike dialekt Men'eerse eneumd) is n darp en n veurmaolige gemeente in de Nederlaandse provinsie Zuud-Hollaand. t Darp had in 2014 rond de 7.000 inwonners en hef ne sentrumfunksie op t eilaand Goeree-Oaverflakkee.

Veurmaolige gemeente Middelharnis
Lokasie van de veurmaolige gemeente Middelharnis
Informasie
Provinsie	Zuud-Hollaand
Heufdplaotse	Middelharnis
Geografie en bevolking
Oppervlakte  - Laand  - Waoter	86,79 km² 61,16 km² 25,62 km²
Antal inwoeners Inwoeners per km²	17.739 (2006) {{{dichtheid}}} inw./km²
Koordinaten	51° 45′ N, 4° 10′ O
Overig
Belangrieke verkeersaoders	N215
Netnummer	0187
Poskodes	3241-3245
Op-egaon in Goeree-Overflakkee

In januari 2013 is t op-egaon in de ni'je gemeente Goeree-Overflakkee.

t Sentrum

Middelharnis hef n old sentrum mit n in verholding groot winkelanbod. An den haven bunt kafees en aethuuskes. Rundumme de monumentale karke bunt smalle, pittoreske ströötkes. An de Raodhuusstraote steet t olde raodhuus uut 1639 in ni'j-klassisistiesen stiel.

Aandere darpen in de olde gemeente

Ni'je Tonge, Battenoord, Sommelsdiek en Stad an t Heringvleet.

Geskiedenis

t Oldelaand van Middelharnis wordden in 1465 veur bedieking uutegeven tezamen mit polder t Oldelaand van Sommelsdiek en den Polder Doevenweerd en vormt 1 diekreng. Opvallend is de samenwarking dee daormet samenging. t Oldelaand van Middelharnis was eigendom van de Heern van Putten, t Oldelaand van Sommelsdiek was Zeeuws en Polder Doevenweerd beheurden to an de Heern van Griesoord. Al rap wordden begonnen mit den bouw van ne karke en nen toren in laatgotiesen stiel.

De karke van Middelharnis is in zienen eurspronkeliken staot te zeen op t skilderi'je Het laantje van Middelharnis van Meindert Hobbema. Meindert Lubbertszoon Hobbema (1638-1709) was nen Nederlaandsen skilder van laandschappen, den wörd gebaoren in Amsterdam. Zien bekendste wark is Het Laantje van Middelharnis (1689), dat teggenwoordig in den National Gallery in Londen hönk.