Monaarchie
n Monaarchie is van oorsprong n regeernsvörm woarbie de haile maacht bie ain persoon ligt. t Woord is n soamenstellen van de Griekse woorden monos (ain) en arkein (heersen), dus aiglieks n regeernsvörm woarbie t laand deur ain femilie (van oadel) regeerd wordt. De tegenhonger van n monaarchie is n republiek (vanoet t Latain: res publica = 'algemaine zoak'), n regeernsvörm woarbie de maacht angoal veur n bepaarkte tied opdruigen wordt aan ain of meerdere personen. In n monaarchie is t laaiderschop maisttieds aarfelk, n poar veurbeelden van monaarchien woarbie t stoatsheufd wel kozen wordt binnen Malaizie en Vatikoanstad.
Lichtgruin: heuren bie t Gemainebest
Oranjerood: halfkonstitusjonele monaarchie
Rood: absolute monaarchie
Rôze: subnasjonoale monaarchie
n Laand mit n monaarchie as regeernsvörm hait n vôrstendom. De maiste monaarchien binnen keunenkrieken. Der binnen ook oetzunderens:
- Monako en Liechtenstein binnen prinsdommen.
- Luxembörg is n grootheertogdom.