Modderputjen
Een modderputjen of bavel is 't litteken dat achterblif op 't lief, naodat de bavelstrenge derof ehaold wönnen. Een modderputjen hef daordeur een symbolische betekenisse van verbiending mit 't leven ekregen. De vorm van een modderputjen hangt of van de wieze waorop 't litteken vergreuid is. Der bin vier vormen dee 't meest veurkoemen: 't knupjen: een eerder plat modderputjen dee deruutziet as een ronde platte knuppe, 't innetjen: een ovale tot ronde holte dee nogal es kan verschillen in deursnee en diepte, de uutpuulbavel: een iets uutstulpend modderputjen, en 't bolletjen: is een uutpuulbavel mit binnenin een kleine uutstulping in de vorm van een bolletje dat net neet uut 't putjen uutsteek.
Tegensworig dragen de deerns oek wel hele korte T-hemden waordeur je der bavel zien, dit is uut India over koemen weien, tot an de jaoren 80 kon zoks neet. A-j een karke bezeuken dan mu-j netuurlijk neet in je loopgoed naor binnen gaon, ze warderen 't dan a-j je eigen ummetrekken, zoda-j gien buukspiekers, modderputjes, kaole schoeren of voten of aandere naorigheid zien. Der bin oek wè meensen dee der bavel laoten tatoeëren.
Nedersaksisch
bewark- Achterhooks: navvel
- Tweants: navvel, naffel, navel