Overleg:Kettenzage

Moi serv. Ik geleuve det knetterbiele wier net zonnen naamn is as huulbessem (stofzoeger), köjerdroad (tellefon), reuriezer (theeleppelken) en kutbrommer (vibrator). Volgens mie is det neet n offisjeeln naamn. Ik geleuve nit det iej nen weenkel zoln binnstapn en vroagn: "heb ieleu ook knetterbieln?" Woolters 03:03, 17 jan 2009 (CET)

Nee, dunkt mie ook nait. Dochs is t wel n woord dij bedocht (?) is deur streektoalorganisoatsies en dij zai geern as offisjeel woord zain zollen, liek as spaigelploatje (cd), lienpost (e-mail) enz. Veur heur zol t goud wezen om dit soort woorden wel te broeken, môr aigelks is dat nait ozze funksie, dat is aigelks beschrieven en nait introduseern, môr doar hoalen wie os nou ook nait hailmoal aan, dus t is n overwegen. Grönneger 1 10:12, 17 jan 2009 (CET)

Now loopt det soort ni'jvörms wal van opzettelk lollege, zoas knetterbiele en piemelputien, naor doodnormaole, zoas liendepost en kuiervraogen. Een paar van die grappige bint hiel bekend, en een paar van de serieuze wördt gebruukt deur een klein köppeltien streektaalliefhebbers, mar wieder bint oeze streektalen niet echt lèvende talen meer in de zin det ze nog veraandert op een menier det ok heur eigen identiteit lèventig blif.

Ik zolle in 't ZWZ skrieven: 'Een kettenzage, veur de grap ok vake knetterbiele nuumd [...]'.

Ni'jluuseger 11:37, 17 jan 2009 (CET)

Juust! Det is de manere! Mear det oonze strektaaln nit mear leawndig beent wil ik neet zo hard geleuwn. t Klopt wal det rechtevoort iederene (in Tweante tenminstn) aait terugge kik wo at ze t vroger zeadn, mear nieje wöarde wordt wal an enömn en vertweantst, wat ook ne manere is. Vieleu munn juust vuuroet kiekn, en metgoan met de tied. As leu angeewt det ze lewer knetterbiele as ketnzaage zegnt, dan kö'j doar wal teegnin goan, mear t keump dr toch. Dus terwiel at non nog n betn lacherig oawer knetterbiele wörd edoan, kan t mear zo wean det det oawer n antal joar wal gebroekelik is. Toew at ik vuur t eerst op NDS-wiki keek, mos ik ook lachn, mear iej weett zelf wo fanatiek ik dr zelf rechtevoort met bin. Woolters 11:51, 17 jan 2009 (CET)

Ik hebbe trouwns nog n bievoogsel vuur t artikel: Dr beent rechtevoort internasjonale kampioenskopn hooltzaagn met knetterbieln. t Geet dr dan umme wee t vlotst dree lieke pläkke van nen boomstroonk köant ofzaagn. De tied wörd emetn vanof t momeant det de zager de zage anslingert tötdet'e ne wier oetdut. Woolters 11:55, 17 jan 2009 (CET)

Veur mie is t "kuujerdroad": "telefoon" gebruuk ik (in Nijverdal) allinig as n Hollaander t neet begrip. --129.125.102.126 13:54, 10 jun 2012 (CEST)