Paleis Het Loo
Paleis Et Loo is n veurmoaleg Könninklek Paleis en vandage Nationaol Museum, eleagen an den raand van de stad Apeldoorne bi-j de geliek-eneumde wiek Et Loo. Et beheurt tot den Top 100 der Nederlaandsen UNESCO-monumenten.
Geskiednis
bewarkStadholder Willem III, achterkleinzönne van Willem van Oranje, kocht in 1684 et middeleeuwse kasteel et Olde Loo an, um doarnoast n ni-j jächtverblief te bouwen. Et laand is biezunder geskikt veur tuunanleg mit waterwarken vanweage den natuurleken wateranvoer vanuut de bulten.
Et paleis was et zommerverblief van de Nederlandse stadholders en könningen van 1686 tot 1975. Et paleis is untworpen deur de toonangeavende 17e-eeuwse architekt Jacob Roman. Et wierd veur et lest bewond deur Prinsesse Margriet.
Paleis
bewarkEt paleis is noa restaurasie in de joaren '70 vanof 1984 in-ericht as museum. In et museum ku'j nen indrök kriegen hoo de openvolgende Oranjes in dit paleis leafden.
In de stallen bi-j et paleis steet ne grote verzameling ri-jtugen uut et bezit van de Könninkleke Stalofdealing dee'j bekieken könt. Dee Stallen en Koetshuze bunt dreks bi-j den heufdingäng. In nen zi-jvlöggel van et Paleis is de verzameling binnenlaandse en butenlandse ordetekkenen van et Museum van de Kanselari-je van de Nederlandse Orden te bekieken.
Et untwarp veur et binnenwark is veur n groot deel van den hand van Daniël Marot. Verbouwingen hebt ze in de 19de en 20ste eeuwe edoane.
Der wodt ok reagelmoateg wesselende kiekdagen eholden.
Bi-j et paleis heurt ok et Paleispark, dat net as de Könninkleke Holtvesteri-je underdeel is van Kroondomein Et Loo. Et kroondomein stoand bekand as geleefd jächtdomein van de könninkleke femilie.
Vlakbi-j et paleis, in Huus Et Loo, wont vandage Prinses Margriet en prof. mr. Pieter van Vollenhoven. Achter Et Loo steet et Kasteel 't Olde Loo, dat deur de regering ter beschikking is steld an Könningin Beatrix.
In december en januari is Paleis het Loo in karststimming. Der bunt karstbeume en de toafels bunt edekt mit servies.
Tuun
bewarkPaleis het Loo hef nen Hollaands-classicistiesen tuun mit Franse invlooden (ne vakverdealing of-ezat mit buxusheggen). Et is nen formelen tuun in den stiel van de 17de-eeuwse barok in noavolging van de renaissancetuunen van André le Nôtre zoas bi-j et Kasteel van Versailles. Vanof et balkon (op woonsdag toogänkelek) is n uutzicht op den tuun.
Uutgoande verwiezing
bewark
