Peperneut

Peperneuten bint lutje kooukies maokt van bakmeel. De veurnaomste ingrediënten bint specelaoskruden en bastersuker / broene suker. Met Sunnerklaos wur er met peperneuten strèeid deur Sunnerklaos zien rechterhaand, Zwarte Piet. In Drenthe neuimt ze schaopenkeutelies ok wal peperneuten.

Peperneuten

Historie / benaomings

Waor de peperneuten weg kommen is een raodsel maor gezien de benaomings en gebruken van oeze naobers over de (oostelijke) gruppe kuj haost wal zeggen daw met een Nedersaksies gebruuk te dooun hebben. In Duutslaand heten ze pfeffernüsse, in Plattdüütsch pepernööt, in Denemarken pebernødder, en Noorwegen en Zweden peppernøtter.

Kruudnoten

Hollanders en vakmèensen neuimt de peperneuten ok wal 'kruidnoten'. In kraantentaol wur ok meisttieds 'kruidnoten' bruukt. Veur oes bint peperneuten en kruudnoten geliek maor veur sommige Hollanders bint peperneuten kleine hompies taai-taai. (Een plaotie kuj vinden op de Nederlaandse versie van Wikipedia: pepernoot.)

Dit artikel is skreaven in et drentske dialekt van Roon.