Regiosoap
Een regiosoap of regionaole zieperiege is een dramariege veur de tillevisie die heur ofspeult in een bepaolde regio, en vaeke wodt d'r ok et dialekt of de tael van disse regio praot. Zoe'n regiosoap was aenlik veural richt op de meensken uut disse regio's, mar laeter bleek dat ok butermeensken disse regiosoaps goed bekeken. De eerste regiosoap was de Friese riege Baas Boppe Baas (baos boven baos), die veur et eerst uutzunnen wodde op Omrop Fryslân in 2001. Dit bleek zoe'n sukses dat de riege ok op de nationaole en aandere regionaole tillevisiezenders uutzunnen wodde. Daornao kwammen dezelde producenten van Baas Boppe Baas mit een Twentse regiosoap, Van Jonge Leu en Oale Groond.
Al gauw volgden d'r nog meer regiosoaps zoas de Limburgse riege De Hemelpaort en et Grunningse Boven Wotter, mar ok de regio's zonder slim van et Standerdnederlaans ofwiekend dialekt of streektael kwammen mit ideeën veur d'r eigen regiosoaps, zoas de Utrechtse riege Nachtegaal en Zonen, et Zuud-Hollaanse Pauwen en Reigers en Koning van de Maas van RTV Rijnmond. Ok Omroep Gelderland zicht et sukses van de regiosoaps en wet dat d'r behoefte an is onder de kiekers, al bin d'r nog gien konkrete plannen.
Regiosoaps bewark
Streektael of dialekt bewark
- Baas Boppe Baas (Fries)
- Dankert & Dankert (Fries)
- Van Jonge Leu en Oale Groond (Twents)
- De Hemelpaort (Limburgs)
- Boven Wotter (Grunnings)
Standerdnederlaans bewark
- Nachtegaal en Zonen (Utrecht)
- Pauwen en Reigers (Zuud-Hollaand)
- Koning van de Maas (in de omkrieten van Rotterdam)