Ridderslag

Nen ridderslag (akkolade) is et verlenen deur nen (adellek) heer van de ridderleke weerdegheid deur middel van et leggen van den zien zwoard op beide scholders van n persoon.

Den Ridderslag (ollievarf op dook, Edmund Blair Leighton, 1901), n Prerafaëlities skilderi-je

Eursprong

Den veurloper van den ridderslag is et oldgermaanse gebruuk van et zweerd omgörden van nen (jonge)kearl den zich op et slagveld hef bewezen. In de achtste eeuwe mag iederen ridder iemand dee zich verdeenstelek hef emaakt op et slagveld tot ridder verheffen. Tootreading tot dizzen staand is dan betrekkelek eenvoldeg howal neet iederen ridder hiermet vanzelf van adel is. Völle leden van de Ministerialiteit bunt wal ridder moar neet van adel. Den ridderslag wodden pas in de 14de eeuwe ingevoerd, as de zwoardumgörding heure betekkenis hef verloorn. In de löppe van dee eeuwe wöd den ridderslag nen uting van klassebewustzien en sociale apartheid van den ridderstaand. Veurweerde wöd dat ni-je ridders van adelleke geboorte möt wean. Et is ne bevestiging van et tot de heersende klasse beheuren.

Ne eslotten klasse

Vanof de 12de eeuwe untwekkelt den adel zich tot ne eslotten klasse. Alleneg iemand van ridderleke ofkumste kan ridder wödden. Friedrich I Barbarossa verboad mit noadrök dat zönnen van preesters en boern den gordel drogen. In et Heilige Roomse Riek wöd de ridderleke boavenloage in 6 of 7 zogeneumde heerschildrangen van verskillend anzeen esplitst. Et verskil tussen rieksaristokrasie en aandere adel wöd dan eformalisierd.

Den Ridderslag in Nederlaand

De Nederlandse Ridderorden kent weineg of gene ceremonieel en ok nen ridderslag mit n zweerd wöd neet egeaven. Alleneg de Militaire Willems-Orde kent n bi-jzunder ritueel woarbi-j den Könning of Könninginne den ni-jen Ridder mit den vlakken hand steavig op den scholder slöt. Ne handeling dee deur de oaverege anweazige Ridders herhaald wöd.
De Ridderlekke Duutse Orde in de prottestantsen Bali-je kent ginnen ridderlag moar in de Katholieke Orde van Malta wöd nen ni-jen Ridder deur den Baljuw dree moal mit et plat van et zwoard van den oldsten van de an te bringen verwochtenden-ridders op den rechterscholder 'eslagen'.
Den Laandkommandeur van de prottestantse Johanniterorde löt de an te bringen Rechtsridders veur him neerknelen en slöt eur dreemoal op den linkerscholder mit de weurden "mit dizze dree slagen sloa ik ow tot Rechtsridder en gef ow alle rechten dee nen Rechtsridder in de Johanniter Orde in Nederlaand bezit"

Literatuur

• W. Jongedijk e.a., "Ridderlijke Orden in Nederland", 1965