Suderland
Et Suderland (suderlandske üütspråke: /zuərlant/; düütsk: Sauerland) is ne kontreie en en middelgebargde in Middendüütsklaand.
De höygde van de strekke verskilt en löpt van üm en nåby de 200 meter in et dal van de rivyr de Ruur töt 840 meter in Hougsuderland, rundüm Winterbarg.
Ligging
bewarkEt Suderland grenst in et westen an et Bargske Land, in et noordwesten an et Ruurgebeed, in et noorden an et dal van de Lippe, in et ousten an et Waldecker Land en in et süden an et Rothaargebargde. Et ligt in et bestüürlike gebeed van et Hougsuderlanddistrikt, distrikt Soest, distrikt Olpe en et Marker distrikt.
Plaatsen
bewark
De belangrykste plaatsen in et Suderland:
Rivyren en stüwmearen
bewark
Et Suderland ligt bynå heylemåle in et stroumgebeed van de Ryn. Döär et völle reagen untspringet völle rivyren in et Suderland. Völle van disse rivyren wordet underbrökken döär stüwmearen, dee vöär waterupslag, et regelen van et waterpyl, rekreaty en mangs ouk energyvöärsening gebruked wordet. Enkelde van disse stüwmearen bint bombardeerd in en Tweyden Wearldoorlog.
- Rivyren: Hönne, Ruur, Möhne en Lenne
- Der bint de stüwmearen: et Möhnemear, et Biggemear, et Edermear, et Hennemear en et Dymelmear.
- Neet te vergeaten et Sorpemear, wårvan de dam neet ebrökken is tydens de bombardementen van den Tweyden Wearldoorlog vanweagen öär afwykende form (recht in plaatse van krom).
Turisme
bewarkEt Suderland bödt verskillende möägelikheiden vöär turisme:
- Y künnet der mooi up wintersport henne in de ümgeaving van Winterbarg en Willingen
- By Iserlohn ligt en bekende grotte, wår lüde nå binnen künnet: de Dechenhöhle.
- By Attendorn, kortby et Biggemear ligt de drüüpsteengrotte Attagrotte.
- Der ligget olde plaatsen: Arnsbarg, Meskede, Winterbarg, Willingen, Korbach, Bad Wildungen en Attendorn
- Der bint verskillende wandelpaden döär en afwisselend landskop, sou as de bekende Rothaarsteig
|
Commons: Suderland - plaatjes, filmkes en/of gelüüdsbestanden. |
|
Dit artikel is eskreaven in et twentsk, in de Nysassiske Skryvwyse. |