Een scharve of schaore is een stukjen materiaal dat of-ebreuken is van bieveurbeeld diggelwark, glaswark, keremiek en zoksoort dingen. Tegensworig vienen we vake scharven uut de Romeinse tied of een aander tiedpark, soms staon der dan belangrieke teksen of daotums op en wonnen bepaolde dingen uut de geschiedenisse dudelijk. As der oek een daotum op de scharve steet, ku-j daoran zien hoelange eleen der meensen ewoend hemmen. Deur onder aandere de scharven (en vanzelf oek achter-ebleven teksen) dee ze evunnen hannen bin ze derachter ekeumen dat der in bieveurbeeld Flevolaand vrogger oek meensen woenen.

Een diggelwarkscharve (een ostracon)

Volgens 't volksgeleuf zollen scharven gelok brengen, as der en glas of wat aanders kepot geet dan heur je meensen vake zegen: scharven brengen gelok, mar a-j dan een spegel breken dan zol dat weer zeuven jaoren ongelok brengen.

Een scharve (van diggelwark) dee beschillderd is of waor wat in-ekarf is neumen ze een ostracon, van 't Griekse woord τὸ ὄστρακον (tò óstrakon).

In de vrogge twintigste eeuw was 't in de Nedersaksische contreien gebrukelijk veur kiender um "diggelhuus" te speulen mit scharven.

Nedersaksisch bewark

  • Drèents:
    • schaarf, schaarve, scharf, scharve
    • schaorte (MD, ZWD)
    • diggel
    • flinster (beduudt ok "splinter")
  • Stellingwarfs:
    • diggel
    • schaarve, scharve
    • schaorte, schaote (grote schaarve)
    • flinter (schaarvien, schilfertien)
  • Veluws:
    • scharve
    • schaore


  Commons: Scharve - plaatjes, filmkes en/of gelüüdsbestanden.