Simon van Wattum

dichter en journalist

Simon van Wattum (Knoal, 11 december 1930 - Winschoot 29 december 1995) was n dichter en journalist dij schreef in t Veenkelonioals, Oldambtsters en Nederlaands. t Veenkelonioals was de toal dij er van huus uut metkregen het; Oldambsters het er leerd noa vervoaren noar Winschoot deur waark en traauwen. Noast zien dichtwaark schreef er verhoalen en foajetons, en vertoalde en bewaarkte hai tejoaterstukken. Veur zien proza broekte er ok t alter ego Jan Maaier.

Simon van Wattum deur Marten Grupstra, bòrstbeeld in de openboare bibliotaik van Knoal

Op zien achttiende publizeerde Van Wattum zien eerste dichtbundel. In 1954 richtte hai mit Jan Niehoff en Willem Diemer t Leegsaksische letterkundege bladje 't Swieniegeltje op, woar Van Wattum de noam van uutdocht haar.

In 1955 wör er journalist-stukkiesschriever bie de Winschoter Courant, woar of er van 1967 tot 1972 heufdredakteur van was. Doarnoa gong er over noar t Nèisblad van t Noorden. Hierin muik er tuzzen 1973 en 1990 onder aander noam mit de rubriek 'Bericht uit 't Oostereind' (Bericht uut t Oosterìnd).

In 1966 wör t satirische bladje Twijspaalk opricht, woar of Van Wattum de laaidende redakteur van was.

Hai was aine dij zien schrieverij in t Grönnegs slim vernèiend was. Hoogleroar Leegsaksisch Hendrik Entjes schreef:

'In zijn gedichten maakte hij het dialect zelf met klank en woord graag tot onderwerp van bespiegeling en dichterlijke overweging om zo eigentijdse problemen aan de orde te stellen [...] Zijn stukken in de krant, verhalen en berichten, kregen al gauw de spotlust, het sarcasme, cynisme zelfs, van de hedendaagse column mee.'

Van Wattum zien teksten binnen onder meer bruukt worden deur de Grönneger folkgroep Törf.

Schrieverij bewark

  • Wachtwoorden: Groninger kwatrijnen (1964)
  • Boerenzoad dut 't aaltied: de twaalf speulstökjes oet 't toneelprojekt "Waark" (1974)
  • De helft is verzonnen: vijftig verhalen uit 't Oostereind (1974)
  • Koegeltjeblaauw en aander verhoalen van Steven en Wemeltje (1979) ISBN 90-6108-190-4
  • Twijstried: tussen wenst en wereld. Verzoamelde gedichten (1980) ISBN 90-6272-441-8
  • Steven en Wemeltje: datteg verhoalen oet t Ol Loug (1986) ISBN 90-70323-13-3
  • Kneels en Biene: verhoalen uut de Veenkolonies (2001)
  • Aigen woarhaid (2005) ISBN 90-75258-07-0

Priezen bewark

Simon van Wattum kreeg verschaaiden priezen veur zien literère schrieverij:

Bronnen bewark

  • Simon van Wattum op streektaalzang.nl
  • Henk Bloemhoff, Jurjen van der Kooi, Hermann Niebaum en Siemon Reker (red.) (2008), Handboek Nedersaksische Taal- en Letterkunde, Azzen: Van Gorcum
  • Siemon Reker (2005), Goidag! Taalgids Groningen, Azzen: In Boekvorm Uitgevers bv
  Dit stok is schreven in t Veenkelonioals