Grunnen

:::::::Inderdaod, een poletiek-economische toekomst hef 't Nedersaksisch niet, of d'r mus nog ies een hiel besundere volksbeweging ontstaon in Twente of zo. Ik wete wal det 't now nog een starke rolle speult in de (olderen)zörg, in 't plaatselijke bedriefsleven en in aandere socioale structuren, mar as daomiet ni'je ginneraoties opgruuit zunder de streektaal mit te kriegen, dreugt det ok op. Nederlaanders bint gien Kattelanen; Nederlaanders viendt alles wal best en gaot mit de miest praktische oplossing mit. 't Ienige vlak waorop 't aal bèter giet mit 't Nedersaksisch is 't vlak van de keunsten (meziek, schrieveri'je, tillevisieseries, teniel ezw.), en keunstenaors bint altied een bevleugen minderheid en kunt niet allennig een taal veur bried maotschoppelijk gebruuk in de bienen holden. Bovendien kan det ok niet mar deurgaon as d'r aal minder mèensen oaverblieft die de streektaal nog beheerst. De schrievers bint now al stark vergriesd.

:::::::Ik geleuve det zo de toekomst d'ruut zöt (zoas 't now al grotendiels is): in 't dagense lèven enkeld Nederlaands (meer of minder regiolectisch) en op wark en schoele ok Engels, en Nedersaksisch of en toe in culturele toepassings. Misschien det 't nog aanders kan veur de allerstarkste streektalen, zoals Fries, Limbörgs en West-Vlaoms. [[Gebruker:Ni'jluuseger|Ni'jluuseger]] 23:12, 22 okt 2009 (CEST)