De Portugesen hebt de meeste invlood had op de Braziliaanse kultuur, vuural duurin den staarkentied metvan et Portugese Riek. De Portugesen brachten öare sproake, et Rooms-Katholieke geleuf en kolonialen bouwstiel met. De Portugesen haalden ook völle slawen oet Afrika, dee as ook wier öare egene gebroeken en tradisies in Brazilië achterleuten. Doarnöast wonden der al inheemse volker met öare egene leafwiezen en kömmen der völle aandere Europese immigraanten noar et laand. Wieters kömmen der nog völle Duutsers, Japanners, Jödden en Arabieren. Al disse groepen zorgden det Brazilië ne totaal egene sproake, kökkengewoontes, muziek, daans en geleuf ontwikkelden.
Töt an den anvaank van et 19de joarhoonderd was Barok de heuwdstiel in den Braziliaansen keunst. Det gröaiden haenig an oet noar een breed anbod van stielen, zo as Romaniek, Modernisme, Expresjonisme, Kubisme, Surrealisme en Abstraksjonisme. Braziliaansen filmkeunst is zo oold as de oetveending van et filmen.
