Verskil tüsken versys van "Jan Roelof Westerhuis"
(Geen verskil)
|
Versy up 23:23, 3 jun 2007
Gerriet Wilms (geboren as Jan Roelof Westerhuis) ((Nei-Bunen, 7 december 1926 - De Wiek, 11 juli 1999) was ambtenaor, dichter en recensent van Drèentse schrieveri'je.
Westerhuis studeerden economie ien Grunning. Op 't Ministerie van Landbouw was hi'j verantwoordelijk veur laandbouwonderwies. Hi'j woonden ien Voorburg (Zuud-Hollaand) en nao zien pensionering ien De Wiek.
As Gerard van Elburg skreef-e Nederlaandstalige gedichten ien 't studentenblad Minerva, daoras-e ok redacteur van was. Ien Oeze Volk en aandere tiedschriften publiceerden hi'j gedichten ien 't Drèents. Veural weur hi'j bekend as recensent van Drèentse schrieveri'je. Veur de Regionale Omroep Noord en Oost (later Radio Noord) maakten hi'j ien de vrogge jaoren vieftig 't literaire programma De Drènse (Drentse) Parnassus. Later skreef-e ok recensies van Drèentse gedichten veur de rubriek Te kust en te keur van Hans Heyting, die de teksten veurlas. Ien Maandblad Drenthe had Wilms een vast stokkien, "Dichters en zondagsdichters bekeken door Gerriet Wilms". Deur Wilms zien wark gruuiden 't idee bi'j partie skrievers om een skrieversverieniging op te richten. Ien 1953 hölp Wilms mit de Drentse Schrieverskring op te richten; hi'j weur de eerste veurzitter.
Literatuurhistoricus Hendrik Nijkeuter markt op det Gerriet Wilms en Harm Werners ien biografische besprekings van Drèentse skrievers veur Maandblad Drenthe "minder fraaie zaken met de mantel der liefde" hebt bedekt (bespreuken wördt de skriever J.J. Uilenberg, die lid ewest had van de NSB en de Kultuurkamer). Nijkeuter nuumt dit een "onprofessionele aanpak", mar skrif d'rbi'j: "Hadden zij anders gewild, dan hadden zij wel tegen een bijzonder sterke stroom moeten oproeien". [1]
De bloemlezing Scheupers van de taol nuumt Wilms "de eerste echte recensent van Drentse schrieverij" [2], mar 't overzichtswark Drèentse schrieverij skrif: "echt kritisch was e niet." [3]
Ien 1991 weur under zien eindredactie Ruinerwold, rondgang door het verleden uutegeben.
Gerriet Wilms zien Drèentstalige werk is niet ebundeld, mar stiet ien bloemlezings zoas Mandielig (1983) en Scheupers van de taol (2003), daor a'j zien knap en mooi eskreben gedicht Winterdag ien vienden.
Referenties
- ↑ Nijkeuter, Hendrik (2001), De "pen gewijd aan Drenthe's dierbren grond" : literaire bedrijvigheid in de Olde Lantschap, 1816-1956, Grunnen: RUG (dissertatie, p. 527)
- ↑ Broersma, Rouke (red.) (2003), Scheupers van de taol: Bloemlezing van de Drèentse Schrieverij 1837-2003, Zuudwolde: Stichting Het Drentse Boek (p. 120)
- ↑ Boerma, Stieneke en Rouke Broersma (1993), Drèentse schrieverij, Zuudwolde: Stichting Het Drentse Boek (p. 53)