Vanof 1935 stunden d'r van Naarding in 't maondblad ''[[MaandbladDrent(h)e Drenthe(maondblad)|Drente]]'' stokken oaver Drèentse taal en geskiedenis, dialectvertelsels en dichtwark. Ok dreug hi'j journalistiek wark bi'j an verskeiden Drèentse kraanten. Mit H. Bos bezörgden hi'j de bloemlezing ''Wat waest hef. Schetsen in Drents dialect'' (1939), mit teksten van humzölf, Bos en [[J.H. Bergmans-Beins]].
==Waandel in de oorlog==
Tiedens de [[Duutse bezetting van Nederlaand|Duutse bezetting]] publiceerden Naarding in een riege volkskundige tiedskriften. Töt 1942 bleef e endredacteur van 't maondblad ''Maandblad DrentheDrente''. Umreden hi'j gien boeken uutgaf, huufden hi'j hum niet an te melden bi'j de [[Kultuurkamer]]. Hi'j much de Kultuurkamer niet geern lieden, mar zien volkskundige skriefwark, daoras wele [[Blut und Boden|Blut-und-Boden-trekkies]] in zöt<ref>In ''Drèentse schrieverij'' (Het Drentse Boek, Zuudwolde, 1993), bespreekt Stieneke Boerma en Rouke Broersma 't '' 'troebel-romantische ophemeln van Drenthe en de Drenten' ''deur Naarding (p.69). P.Th.F.M. Boekholt onderzocht in 1987 Naarding zien oorlogsverleden op verzuuk van 't deur de Drèentse oaverheid op-ezette project veur streektaal en culturele educaotie. Boekholt vund det Naarding deur zien 'drentomanie' de invloed van een antal Blut-und-Bodenopvattings ondergaon har, zunder een dogmatisch nationaol-sociaolist te wörden.</ref>, stund de [[nationaol-sociaolisme|nationaol-sociaolisten]] wal an. Nao de oorlog wördden zien waandel in bezettingstied onderzocht, mar d'r kwammen toendertied gien consequenties van. Wal wördden in 1987 't ni'je anfieterinstituut veur de Drèentse taal, det eerst 't Naarding-Instituut zol hebben eheten, in stee daorvan Drentse Taol enuumd (rechtevoort 't [[Huus van de Taol]]).
