Verskil tüsken versys van "Wikipedia:Praothoek"

1.776 bytes toegevoegd ,  11 jaar geleden
 
:::Prima, dan ha'k det dus eawn neet good begrepn. Woolters [[Speciaal:Biedragen/212.45.32.223|212.45.32.223]] 00:26, 11 jan 2009 (CET)
 
Ik denke neet da'w de Nederlands-Nedersaksische dialecten Westfaals könt neumen. 't Is ok een betken simpel edacht vin ik altied: worumme zo'w unze dialecten nao gebeden in Pruusse motten neumen? En völle van dee oldmoodse theorieën as "Westfaalsche expansie", "Hollandsche expansie" etc bunt toch allange achterhaald, sinds de jäöre veertig en vieftig, krek as dee indelinge dee't ik nog wal ens laeze as "Gelders-Overijssels" of "Zuid-Drents". Ok de gedachte dat der vrogger Saksers in 't hele gebeed wonden waor at no Nedersaksisch wordt epraot klop in de meeste gevalle helemaole neet. De olde Chamaviërs of Hamalanders beveurbeld, dee in de Achterhook, Liemers, Oost-Vaelouwe en Zuud-Salland zatten en ok in 't Duutse West-Mönsterland, wassen ginne Saksers maor Franken. Zo stonden ze ok bekend: de Chamavische Franken. En in Grunning, Noord-Drenthe en de Stellingwarven ha'j de Frezen. En wat duch ow van Salland: hèt gebeed van waor oet de Salische Franken nao 't zuden vertrokken um Frankriek te stichten! 't Nedersaksisch is taalkundig ezene ok helemaole neet de directe naokommer van 't Saksisch, dat ston eigenlik völle körter bi-j 't Frees en Engels; Ingewoons of Noordzee-Germaans wordt dat eneumed. We könt aerder zeggen dat der ene enorme Nederfrankische expansie is ewest in de Saksische gebeden, inclusief in Duutsland, as andersumme, a'j 't taalkundig bekieken doot.
In elk geval: 't West-Mönsterlands en Benthems bunt net zo weinig as 't Achterheuks of Twents Westfaals te neumen. 't Oost-Twents hef der wal wat maer invleu van, da's wal zo. 't Vriezenvaens hef natuurlik de bekende brekinge en de ou en ei, maor is veur de rest waer helemaole on-Westfaals met beveurbeld 't verkleinwoord op -ien etc. slöt 't maer bi-j 't westen an.
 
==Artikelstaand Januwoari 2009==
241

bewarkingen