Teuge is n darp in de Nederlandse provinsie Gelderland. t Darp ligt tussen Apeldoorne en Twelle in en maakt deel uut van de gemeente Voorst; der woont ongeveer 800 mensen. Teuge ligt an de N344. Naost landbouw en veeholderieje bint rekreasie en toerisme van groot belang.

Teuge is veural bekend vanwaegen t internasionale vliegveld Teuge. Hier he'j onder andere t Nasionaal Parasentrum Teuge en Vliegklub Teuge.

t Darp ligt in de Iesselvallei, op de Veluwe en an de rand van Salland. Dit is n gebied mit n landelik karakter. Jaorliks kommen duzenden mensen t per fietse verkennen. Ok t vliegveld trekt völle daggiesmensen. Teuge ligt niet verre van de staeden Apeldoorne, Daeventer en Zutfent.

StasionBewarken

Teuge had vrogger n eigen treinstasion, stasion Teuge. t Wier in 1887 in gebruuk enaomen en is in 1935 eslaoten. t Spoorwachtershusien steet der nog en is enkele jaoren eleden weer helemaole op-eknapt. t Olde stasionsgebouw mit perron "Het hoge vonder" is in 1950 of-ebraoken.

Belangrieke gebeurtenissenBewarken

Op 2 augustus 1945 zetten prinses Juliana en heur deerns Beatrix, Irene en Margriet op vliegveld Teuge veur t eerst nao de Tweede Weerldoorlog voet op Nederlandse baodem. Ze wieren of-ehaald deur prins Bernhard.[1] Ter herinnering hieran is der op 7 september 1985 n monument van de beeldhouwer Harry Meek onthuld deur prinses Margriet.

Boken aover TeugeBewarken

  • Teuge "op den Toega" Teuge toen en nu, deur J.J. Speelziek, 1980
  • Van op den Toega naar Teuge, deur J.J. Speelziek, 1990f

ReferensiesBewarken

  1. Beelden van de historiese gebeurtenisse op Teuge (NOS)


  Dit artikel is eskreaven in et oustveluwske dialekt van Wilp, in de Algemene Nedersaksiese Schriefwieze.