Theodoor Boland
Theodoor Boland, ook wel Theo Boland (Dinxperlo, 1940) is een schriever en epensioneerde onderwiesadviseur uut Dinxperlo, Gelderland, den at schrif in 't Achterhooks, Nederlands, Engels en Duuts.
Hie is een zeune van Frederik Gerrit Boland (Aalders Frederik) en Roeloffina Hendrika (Drikka) Prinsen. Tut zien twintigsten gruujen hie op in Dinxper.
Wark
bewarkNao de laegere schole, mulo, kweekschole en militaire dienst wier Boland schoolmeister in Huussen. Van 1976 tut 1982 studeren hie psychologie, pedagogiek en onderwieskunde in Nimwaege. An de universiteit wier hie warkzaam as onderzuker; hie bestuderen de ontwikkeling van 't leren laezen op de basisschole en de invloed daorvan op de schoolloopbaan. In 1991 promoveren hie.
Wieters warken Boland bie de Stichting veur Leerplanontwikkeling in Eanske en bie de Adviesraod veur Basis- en Speciaal Onderwijs (ARBO) in Zeist. Hie was onderwiesadviseur in Nederland, Suriname, Iran en Zuud-Afrika. Tussen 1977 en 2016 wonen Boland met vrouw, kinder en schoonolders op Beesterni-jhuus, een boerderi-je in 't achter-Heumse butengebied. Naontied verhuzen hie terugge naor zien geboortedarp Dinxper.
Schrieveri-je
bewarkBoland hef alzelaeven teksten eschreven en verhalen verteld. In 't eerste wazzen dat meestal min of meer wetenschappeleke teksten, later korte verhalen. Sinds zien pensionering in 2002 levert Boland korte verhalen an blogs; in 2015 begunnen hie met schrieveri-je in 't Achterhooks.
In 2020 verscheen Schoppendag & zommerraegen, een bundel autobiografische stukskes in 't Achterhooks, uutegeven deur de Oudheidkundige Werkgemeenschap Aalten-Dinxperlo-Wisch.
Uutgaves
bewark- Het hoofd in de boeken. OBR-riege 338. Tilbörg: Zwijsen, (1993)
- Primary Prospects. Developments of Primary Education in some European Countries. Eanske: CIDREE (1995, met Jos Letschert)
- Eigen huis haard en hof: korte verhalen in en rondom Beesterni-jhuus (2009)
- Die ersten sechs und dreißig Bagatellen: kleine und feine Sachgeschichten (2010)
- Eisbergspitze (2013)
- Nageltak en andere korte verhalen (2015), op 't Volkskrant-weblog eschreven onder 't pseudoniem Terracidus
- Schoppendag & zommerraegen: korte verhalen in de streektaal (2020)
- Sprookjes van Hans Christian Andersen in Dinxpers plat (2021)
- Spitzweg - gerne gelesene Bagatellen. Kurzgeschichten (2021)
- Naontied - Korte verhalen in Dinxpers Plat - een uutgave van Het Boekenschap uut Zelhem (2024)